جڤینەك چار ئالی دەربارێ دۆسەیا سوریێ هات ئەنجامدان
ارك نیوز .. ل قاهیرایێ پایتەختا مسرێ جڤینەك چارئالی دەربای دۆسەیا سوریێ هاتە ئەنجامدان .
وەزارەتا دەرڤە یا مسرێ د داخویاینەكێ راگهاند كو ژبۆ گەنگەشەكرنا رەوشا سوریێ بگشتی و دیتنا چارەسەریەك سیاسی لگۆری بریارا ئەنجومەنا ئەلەهیا ناڤدەلتی ل قاهیرایێ پایتیختا مسرێ جڤینەك چار ئالی ناڤبەرا بەرپرسێن وەزارەتێن دەرڤە یێن وەلاتێن مسر ، عربستانا سعودیێ ، ئیمارات، و ئۆردنێ دە هاتە ئەنجامدان .
لگۆری داخویانیێ د وێ جڤینا چار ئالی دە تەكەزی لسەر دیتنا چارەسەریەك سیاسی لگۆری بریارا ئەنجومەنا ئەولەهیا ناڤدەولتی بیست ودوو وپێنجی وچار ، یەكپەرچەییا خاكا سوریێ و سەروەریا وێ كرن .
وەكە هەمان وەزارەتێ دایە خویاكرن كو هەر چار ئالی لسەر هەبوونا توركیێ و ئیرانی د ناڤ خاكا سوریێ و دەستوەردانا وان كرن كو نابە ب توو ئاوایەیك توركیێ و ئیران دەستوەردانێ د سوریێ بكن و هەبوونا خوە ل وی وەلاتی بهێز بكن و تەڤگەرێ بكن و بتوندی رۆلا وان هەردوو وەلاتان د وەلاتێ سوریێ دە رەدكرن .
بریارا 2254 یا كو ژ ئالیێ ئەنجومهنا ئەولەهیا ناڤدەولتی ڤە د كانوونا 2015ان ده هاتە دەرخستن سهروهری, سهرخوەبون , یەكپەرچەییا خاكا سوریێ دهستنیشان دكه, و بانگ ل ههموو ئالیان دكه كو تهدبیرێن كو ئەولههیا سڤیلان گەرەنتی دكن بگرن, و تەكەز لسەر دیتنا چارەسەریەك سیاسی ژبۆ بداویئانینا كریزا سوریێ دكە ، ئەوژی ل گۆری بریارا جنێف یا كو د حهزیرانا 2012ان ده هات دەرخستن, كو پێویستە دەستەیەك رێڤهبهریا دهمكی وەرە ئاڤاكرن و خوەدان بریار بە ، كو د هەمان دەمێ دە بەردەوامبوونا دام ودەزگەهێن حكومەتێ گەرەنتی بكە .
بریارا ئەنجامدانا جڤینا چار ئالی ناڤبەرا وەزارەتێن دەرڤە یین هەر چار وەلاتێن عەرەبی ل مسرێ ب رۆژەكێ وەزیرێ دەرڤە یێ عربستانا سعودیێ فیسل بن فرحان ب گێر بێدرسۆن شاندەیی ناڤدەولتی یی تایبەت بۆ سوریێ رە جڤیابوو و لگەل وی كریزا سوریێ و داوین پێشهاتەیێن وێ ، هەروەها كارێن كۆمیتەیا دستورا سوریی یا پێشەرۆژێ گۆتوبێژكر.
454
