عەفرین... چەكدارێن ئەلشەرقیێ 6 وەلاتیێن كورد رەڤاندن
آرك نيوز... ل گوندهكی ناڤچهیا جندرێسێ یا ههرێما عەفرینێ, گرووپێن چهكدار شەش وهلاتیێن كورد رهڤاندن, چار ژ وان ژنن.
رێخستنا مافێ مرۆڤان ل عەفرینێ د راپۆرتهكه خوه ده راگهاند كو, چهكدارێن ئەحرار ئەلشهرقیێ ل گوندێ بافلوونێ شەش وهلاتیێن كورد رهڤاندن د ناڤ وان ده چار ژنن و ژ بۆ زیندانێن خوه برن.
ههمان رێخستنێ بال كشاند سهر كو تۆمهتا وان خزمهتكرن د دەما پەیەدێ ده یه, د بیست ودوویێ مههێ ده هاتن رهڤاندن و تا نها تو ئاگاهی ل سهر تونه نه, ههروها گوژمێ هەزار وپێنسەد تا دوو هەزار لیرهێن توركی ل سهر وان سهپاندنه دا كو وهرن بهردان. ژ بلی وان ژی سێخۆرێن توركیێ و چهكدارێن پۆلیسێن لهشكهری جوانێ كورد هۆگر عەلۆ ژ گوندێ دیكێ یێ ناڤچهیا بلبلێ ل ناڤهند باژارێ عەفرینێ رهڤاند.
ههمان رێخستنێ د راپۆرتهكه خوه ده تهكهز كربوو كو چارهنڤیسا پێهتر ژ پێنسەد وهلاتیێ كورد د زیندانێن چهكداران ده نه دیارە, پرانیا وان ژ بۆ زیندانێن توركیێ هاتنه ڤهگوههستن.
ش.ع
260