توركیێ هەلوێستا خوە لسەر دیتنا چارەسەریەك سیاسی لسوریێ نوو دكە

ارك نيوز .. وەزیرێ دەرڤە یێ توركیێ هەلوێستا وەلاتێ خوە لسەر پێویستیا دیتنا چارەسەریەك سیاسی لسوریێ كو وێ شەرێ دەه سالان بداوی بكە دووبارە كر .

مولود چاویش ئۆغلۆ وەزیرێ دەرڤە یێ توركیێ ل پەرلەمنتۆیا توركیی گۆتنەك پێشكێشكر وتێدە راگهاند كو حەتا نها چارسەد ویازدە هەزار پەنابەرێن سوری یێن كو ل توركیێ دمینن ب رازیبوون ڤەگەریانە وەلاتێ خوە ، هەروەها ئۆغلۆ تەكەزی لسەر پێویستیا دیتنا چارەسەریەك سیاسی ژبۆ بداویئانینا كریزا سوریێ كر .

ل ئالیەكی دن وزیری دەرڤە یێ توركیێ بحسا تێكلی و پەیوەندیێن ناڤبەرا وەلاتێ وی و ئەمەریكایێ دە كر وئاماژە ب پێویستیا ڤەكرنا رووپەلەكە نوو د پەیوەندیێن ناڤبەرا هەردوو وەلاتان دە د قوناغا بی دە لسەر ئاستا سیاسی و ئەولەهی و ئابووری كر ، و دیار كر وگۆت كو تەڤی هەبوونا پرسین ناكوكدار ناڤبەرا توركیێ و ئەمەریكایێ لێ تەڤی ڤی چەندێ توركیێ ب بەردەامی راویژكاریێ ب ئەمەریكایێ رە دكە نەخاسم دەربارێ دۆسەیا سوریی و لیبیایێ .

بەریا نها ژی وەزیرێ دەرڤە یێ توركی مولود چاویش ئۆغلۆ گۆتبوو كو وەلاتی سوریێ ژ دەه سالان ڤە نە ئارام وجێگیرە ، و دەم هاتیە كو كریز ب داوی ببە و چارەسەریەك سیاسی وەرە دیتن كو داخواز وهێڤیێن گەلێ سورێی بجی بینە ، و ڤەگەرا پەنابەران سوریی بۆ سەر مال وملكێن خوە چەیدا بكە .

تەڤی بانگێن ناڤدەولتی و ناڤنەتەوی یێن بەردەوام ژبۆژ بۆ په‌یداكرنا چاره‌سه‌ریه‌ك سیاسی ل سووریێ, رێژیما ئە‌سه‌د و هەڤالبەندێن وێ ، روسیا و ئیران ئاستانگیان دروست دكن و چاره‌سه‌ریێ ژی ئاسته‌نگ دكن و ئەڤ یەك د د ئەزموونا كۆمیتا ده‌ستوورا سوریێ یا نوو ده‌ دیار بوو, كو حه‌یا رۆژا ئیرۆ توو ئەنجامەك باش بدەست نەخستیە .

275