بێدرسۆن و زەریف دۆسەیا سوریێ گۆتوبێژكرن

ارك نيوز ..
ژبۆ گەنگەشەكرنا دۆسەیا سوریێ ، شاندەیێ ناڤدەولتی یێ تایبەەت بۆ سوریێ گهشتە تەهران پایتەختا ئیران ولگەل وەزیرێ دەرڤە یی وی وەلاتی رە جڤیا .

وەزارەتا دەرڤە یا ئیرانێ دەربارێ جڤینا ناڤبەرا شاندەیێ ناڤدولتی یێ تایبەت بۆ سوریێ و وەزیرێ دەرڤە یێ ئیرانی دە داخویانیەك بەلاڤ كر وتێدە راگهاند كو دۆه گێر بێدروسۆن شاندەیێ ناڤدەولتی یێ تایبەت بۆ سوریێ گهشتە پایتەختا ئیرانی و لگەل محمد جەواد الڤریف وەزیری دەرڤە یێ ئیرانی رە جڤیا و چەندین مژارێن گریێدایی رەوشا سوریێ بگشتی گۆتوبێژكرن .

لگۆری داخویانیا وەزارەتا دەرڤە یا ئیرانێ كو كو د جڤینێ دە بێدرسۆن وزەریف لسەر پرۆسەیا سیاسی و داوین پێشهاتەیێن رەوشا سوریێ راوەستیان و ب هورگولی ئەڤ مژار گۆتوبێژكرن .

هەروەها داخویانیێ دا خویاكرن ژی كو د جڤینێ دە وەزیرێ دەرڤە یی ئیرانی داخوازا راكرنا سزایێن كو لسەر رێژیما ئەسەد هاتنە سەپاندن كر ، وگۆت كو د سالێن دەرباسبووی دە هن دەرفەتێن گونجاو لسوریێ پەیدابوون ژبۆ بداویئانینا كریزا سوریێ لێ ئەو یەك ژ ئالیێ هن وەلاتان ڤە هاتن تیكبرن .

هەمان داخویانیێ سەربار كر وگۆت كو ژ ئالیێ خوەڤە بێدرسۆن زەریف ئاگەهدار كر لسەر پێشهاتەیێن كارێ كۆمیتەیا دستورا سوریێ یا پێشەرۆژێ و هەولدانێن وی ژبۆ لدارخستنا جڤینا بێ .

بەریا دوو رۆژان ژی بێدرسۆن ل مۆسكو پایتەختا روسیێ ب سێرگی لاڤرۆف وەزیرێ دەرڤە یی روسیێ رە جڤینەك ئەنجام دابوو ، و هەردوو ئالیان ب هوورگولی دۆسەیا كۆمیتەیا سوریێ یا نوو ، و داوین پێشهاتەیێن رەوشا سیاسی و میدانی لسوریێ گۆتوبێژكرن .

بریارە گەرا چارەم ژ جڤینێن كارێ كۆمیتەیا دستورا سوریێ یا نوو د داویا ڤێ مەهێ دە ل جنێفێ وەرە لدارخستن وبۆ دەما چار رۆژان بەردام بكە .

445