لسوریێ بگشتی هەژمارا گشتی یا پێكەتیێن كۆرۆنا 27 هەزار كەس دەرباس كریە
ارك نیوز .. لسوریێ بگشتی هەم ل دەڤەرێن كوردی لرۆژئاڤایێ كوردستانی و هەم ژی ل هەردوو دەڤەرێن دبن كونترۆلا رێژیما ئەسەد و ئۆپۆزسیۆنا سوریێ دە ، هەژمارا پێكەتیان ب ڤیروسا كۆرۆنایێ هەر كو دچە زێدەتر دبە كو حەتا نها هەژمارا گشتی یا پێكەتیێن كۆرۆنایێ لسەرانسەری سوریێ 27 هەزار كەس دەرباس كریە .
دەربارێ داوین ئامار وپێشهاتەیێن كورۆنایێ ل رۆژئاڤایێ كوردستانێ رۆژ ب رۆژ وئامار زێدەتر دبە هەری داوی ژی پێكەتنا 113 كەسێن نوو ب ڤیروسا كۆرۆنایێ .
هەر لگۆری دەستەیا تەندروستیێ یا بسەر رێڤەبەریا پەیەدی راگهاتدیە كو د هەیاما بیست وچار دەمژمێرێن بووری 113 كەسێن دن بكۆرۆنایێ كەتنە ، 6 كەسان بكۆرۆنایێ ژیانا خوە ژ دەست دایە و 25كەس ژی باشبوونە .
هەمان دەستەیێ دیار كر كو ژ كۆما پێكەتیان بیست و پێنج ل حەسەكێ ، نەه ل قامشلۆ، ، یازدە ل دربێسیێ ، یەك ل گركێ لەگێ شازدە ل دێرك ، دوو ل عامودێ ، دوو ل دربیسیێ ، دوو ل دێرا زۆرێ ، پێنج ل شهبایێ ، حڤدە لكۆبانێ ، بیست وچار ل تەبقایێ، یەك ل منبجێ ، نەه كەس ل رەقایێ نە.
هەر لگۆری دەستەیا تەندروستیی یا بسەر پەیەدێ ئەشكەرە كریە كو ب تۆماركرنا حالەتێن نوو یێن توشبوونێ بكۆرۆنایێ هەژمارا گشتی یا پێكەتیێن كۆرۆنایێ ل رۆژئاڤایێ كوردستانی گهشتیە 5916 كەسان ، ژوان 957 كەس باش بونە و 176 كەسان جانێ خوە ژ دەست دانە .
دەربارێ ئامار وپێشهاتەیێن كورۆنایێ ل ناڤچەیێن دبن دەستێ ریژیما ئەسەد دە ژی هەژمارا توشبوویان حەفت هەزار كەسی دەرباس كریە .
د داخویانیەكێ دە وەزارەتا تەندروستیێ یا ریژیما ئەسەد راگهاند كو د هەیاما بیست وچار دەمژمێرێن بووری 75 كەسێن دن ب كۆرۆنایێ كەتنە ، 4كەسان چانێ خوە ژ دەست دانە ، و 57 كەس ژی بتەمامی ژ كۆرۆنایێ باش بوونە .
لگۆری داخویانیا وەزارەتا تەندروستیا ریژیمێ كو بڤێ ئاوایی هەژمارا گشتی یا پێكەتیێن كۆرۆنا دگهێژە 7,154 كەسان ، ژ وێ هەژمارێ 3043 كەس بتەمامی باش بوونە و 372 كەس ژی جانێ خوە ژ دەست دانە .
ل دەڤەرێن ژێر كۆنترۆلا ئۆپۆزسیۆنا سوریێ ژی رەوش بهەمان ئاوایی یە و هەژمار رۆژ ب رۆژ زێدەتر دبە هەری داوی پێكەتنا 112 كەسێن نوو بڤیروسا كۆرۆنایێ.
دڤێ دەربارێ دە پرۆگراما هوشیاری وبەرسڤدانا نەخوەشیان د داخویانیەكە خوە دە راگهاند كو د هەیاما بیست وچار سەعیتێن بووری دە 112 كەسێن دن بگۆرۆنایێ كەتنە ، 207 كەس باش بوونە .
لگۆری داخویانیا پرۆگراما ناڤهاتی كو حەتا نها هەژمارا گشتی یا پێكەیان بڤیروسا كۆرۆنایێ ل دەڤەرێن دبن كۆنترۆلا ئۆپۆزسیۆنێ پشتی تۆماركرنا حالەتێن نوو گهشتیە 13,960 كەسان ، ژ وێ ژمارەیێ 5,551 كەس باش بوونە و 117 كەسان ژی جانێ خوە ژ دەست دانە .
434
