ل كامپێن پەنابەریێ ل ئۆردنێ هەژمارا توشبوویان ب كۆرۆنایێ زێدە بوویە

ارك نیوز .. كۆمسیۆنا نەتەوێن یكگرتی یا كاروبارێن پەنابەران بلندبوونا ریژیا پێكەتیێن كۆرۆنا ل هەردوو كامپێن الزعتری و الازرق یێن پەنابەرێن سوریێ ل وەلاتێ ئۆردنێ ئەشكەرە كر و گۆت هەژمارا گشتی یا پێكەتیان حەتا نها گهشتیە پێنسەد و نەه كەەسی ژ وان سەد و چار كەس باش بوونە .

محمد حواری بەردەڤكێ كۆمسیۆنا نەتەوێن یكگرتی یا كار وبارێن پەنابەران ل ئوردنێ ژ كەنالەكە ئوردنی رە راگهاند كو حەتا نها هەژمار گشتی یا پێكەتیێن كۆرۆنا ل كامپا الازرق یا پەنابەرێن سوریێ گهشتیە چارسەد وچاردە كەسی ژ وان حەفتێ ویەك كەس بتەمامی باش بوونە ، و ل كامپا الزعتری ژی نۆت وپێنج كەس بكۆرۆنا كەتنە و سیه وسێ كەس ژی باش بوونە .

حواری دا دیاركرن ژی كو د ناڤا هەردوو كامپان دە ناڤەندێن كەرەنتینەكرنێ هەنە و ئەو پێكەتی تێنە كەرەنتینەكرن ، و حالەتێن كو پێویستا وان ب گوهدانا تەندروستی هەبە یەكسەر ژبۆ نەخوەشخانەیێن بسەر وەزارەتا تەندروستیا ئۆردنێ تێنە ڤەگوهەستن.

دەربارێ ئەنجامدانا تێستاێن تایبەت ب كۆرۆنایێ بەردەڤكێ كۆمسیۆنێ دا خویاكرن كو حەتا نها بێهتری هیژدە هەزار تێستێن كۆرنایێ دناڤا هەردوو كامپان دە هاتنە كرن و یەكەم حالەتا پێكەتنی ب كۆرۆنایێ ل كامپا الازرق هاتە تۆماركرن رێكەفتا هەیشتێ ئەیلوونا بوری بوو لێ ل كامپا الزعتری یەكم حالەتا كۆرۆنایێ ل ریكەفتا دەهێ ئەیلیۆنا بووری هات تۆماركرن .

وەكە هەمان بەپرسی ئەشكەرەكریە كو ژ دەما بەلاڤبوونا كۆرۆنایێ كۆمسیۆنا بلند یا كاروبارێن پەنابەران یا بسەر نەتەوێن یكگرتی ڤە دەردۆرا دەه مەلیۆن دۆلارێ ئەمەریكی وەكە ئالیكاری پێشكێشی پەنابەران كر و ئەو ئالیكاری بسەر پێنجی و شەش هەزار مالباتی ڤە هاتە بەلاڤكرن .

هەژمارا پەنابەرێن سوری یێن تۆماركری ل ئۆردنێ گهشتیە شەشەد و پێنجی وشەش هەزار یەنابەری لگۆری ئامارا كۆمسیۆنا نەتەوێوون یكگرتی لێ ژ ئالیێ خوەڤە حكومەتا ئۆردنێ پێشبنی دكە كو هەژمارا پەنابەرێن سوری یێن ل ئۆردنێ دمینن یەك مەلیۆن و سێسەد هەزار پەنابەر دەرباس كربە ، ژوان هەیشتی وسێ ژ سەدی ژ دەرڤی كامپان دمینن ، و شازدە پۆینت حەفت ژ سەدی ژی دناڤا هەردوو كامپێن الزعتری و الازرق و كامپا الاردنی الاماراتی دژین .

318