بێدرسۆن و المعلم لشامێ جڤیان

ارك نيوز .. بسەرەدانەكە فەرمی شاندەیێ ناڤدەولتی یی تایبەت بۆ سوریێ گهشتە شاما پایتەختا سوریێ و لگەل وەزیرێ دەرڤە یێ رێژیما سوریێ رە جڤیا و ئەگەر هەیە د داویا مژدارا بێ دە گەرەكە نوو ژ جڤینێن كۆمیتەیا دستورا سوریێ یا پێشەرۆژێ بریڤە بچە .

ژبۆ گەنگەشەكرنا ئامادەكاریێن گەرا چاران یا جڤینێن كۆمیتەیا دستورا سوریێ یا پێشەرۆژی گێر بێدرسۆن شاندەیێ ناڤدەولتی یێ تایبەت بۆ سوریێ گهشتە شاما پایتەخ و لگەل وەلید المعلم وەزیرێ دەرڤە یێ رێژیمێ رە جڤیا ، د دەمەكێ دە كو ریژیم رژدە لسەر هەولوێستا خوە ودروستكرنا ئاستانگیان لپێش كارێ كۆمیتەیا دستورا سوریێ .

ئاژانسا سانا یا بسەر رێژیما ئەسەد ڤە لسەر زاری المعلم ڤەگوهەست كو د وێ هەڤدیتنێ دە المعلم گۆت كو تەڤایا قوناغێن كارێن كۆمیتەیا دستورا سوریێ یا نوو دڤێ بتەنێ ب سەركردایەتی و سەروەریا سوریێ بە ، وگۆت كو كۆمیتەیا دستورا سوریێ یا نوو ژ دەما ئاڤاكرنا وێ و دەسپێكرنا كارێن وێ بتەنێ خوەدی بریارە و ب دەرئەنجامان دەردكەڤە دەربارێ چاوانیا برێڤەبرنا كارێن كۆمیتەیێ وگۆت ئەڤ یەك نایێ قەبوولكرن وپێویستە تەڤایا كارێن كۆمیتەیی بسەركردایەتی و سەروەریا سوریێ بە .

هەمان ئاژانسێ دا دیاركرن كو د هەمان جڤینێ دە بێدرسۆن و شاندا پێرە لگەل المعلم چەندین بابەت و مژارێن گرێدایی ب رەوشا سوریێ و داوین پێشهاتەیین وی گۆتوبێژ كرن و هەردوو ئالیان تەكەزی لسەر گرنگیا سەركەفتنا كاری كۆمیتەیا دستورا سوریێ یا نوو كرن هەروەا تەكەزی لسەر پابەندیا ب دەرئەنجامێن كارێ كۆمیتەیێ ژی هاتە كرن .

وەكە هەمان ئاژانسێ دایە خویاكرن كو خرابوونا رەوشا ئابوریا سوریێ ژبەر سەپاندنا سزایێن ئابوری ژ ئالیێ ئەمەریكا ژ ئالیەكی و بەلاڤبوونا ڤیروسا كۆرۆنایێ ژ ئالیێ دنڤە كو بوویە سەدەما خرابوون و رووخاندنا رەوشا ئابوری سوریێ بەشكەكی دن ژ وێ جڤینێ بوو .

ئاژانسا ناڤهاتی لسەر زارێ گێر بێدرسۆن شاندەیێ ناڤدەولتی یی تایبەت بۆ سوریێ ژی ڤەگوهەست وگۆت جڤین بەرفرە بوو وتێدە گەلەك دۆسە ومژار هاتن گۆتوبێژكرن و ئاماژە ب هەبوونا هەماهەنگی و هەڤكاریەك ب هێز ب رێژیما ئەسەد رە كر .

بێدرسۆن هەروەها سەربار كر وگۆت ژی كو د وێ جڤینێ دە ب وەزیرێ دەرڤە یێ وی وەلاتی رە رە تەڤایا دۆزین گرێدایێ ب بریارا ئەنجومەنا ئەولەهیا ناڤدیولتی بیست و دوو وپێنجی و چار بتایبەت دیتنا چارەسەریەك سیاسی بلەز لگۆری بریارا ناڤدەولتی ژبۆ بداویئانینا كریزا سوریێ كر ژبەر كو ئەڤە دەه سالن و كریز و شەر و ململانی ل وەلاتێ سوریێ بەردەوامە كو و ژ وی دەمێ ڤە و تا نها گەلێ سوری د خرابترین رەوش دە دژین و ئێش وئازارێن وان رۆژ ب رۆژ زێدەتر دبن كو ژبلی ڤێ یەكی كۆرۆنا ژی بسەر دە هاتیە و رەوش ئالۆز تر و خرابتر كریە .

286