ژێدەرەك لەشكەری: دەربارێ ئدلبێ روسیا نامەیێن ئستفزازی ژ توركیێ دشینە
ارك نيوز .. بالافرێن شەر یێن روسی ب چەند ئۆپەراسیۆنێن ئەسمانی هەژمارەك باراگەهێن لەشكەری یێن بسەر دەستەیا تحریر الشام ل دەڤەرا چیایێ الویلە لگوندەوارێ ئدلبێ كرن ئارمانج و د ئەنجامێ دە كوشتی وبریندار دناڤا رێزین گروپێن چەكدار دە كەتن .
ژێدەرێن خوەجەهی ژناڤا باژارێ ئدلبێ راگهاندن كو دۆه سبەهێ بالافرێن شەر یێن روسیا ژ نشكێ ڤە سەربازگەهەكە سەر ب گروپێن چەكدار یێن بسەر دەستەیا تحریر الشام ڤە ل دەڤەرا چیایێ الدویلە لگوندەوارێ ئدلبێ بتوندی ئارمانج كر ، وسەربار كرن كو د ئەنجاما وی بومبەبارنكرنێ دە كوشتی وبریندار كەتن .
هەمان ژێدەرێ سەربار كر وگۆت ئەڤ نە جارا یەكێ یە كو بالافرین شەر یێن روسی باراگەهێن گروپێن چەكدار یێن بسەر دەستەیا تحریر الشام ڤە لگوندەوارێ ئدلبێ دكنە ئارمانج ،كو بەریا نها گەلەك جاران روسیا باراگەه و خالین لەشكەری یین جەكداران ل گوندەوارێ ئدلبێ بتایبەت ل دەڤەرا احراش الشێخ بحر ، والحمامە ئارمانج كرنە وزیانێن مادی و جانی ژبەر وان ئێریشان هاتنە روودان.
د ڤێ دەربارێ دە ژێدەرێن سەربازی رادگهینن ودبێژن ئارمانجكرنا روسیا یا بەردەوام ژ باراگەه و خالێن لەشكەری یێن گروپێن چەكدار یێن بسەر هیئە تحریر الشام كو بەرێ ئەنیا النسرا بوو نامەیێن ئستفزازی نە ژ توركیێ رە كو د ریێا ڤان ئێریشان دە روسیێ نامەیین ئستفزازی ژ توركیێ رە دشینە و فشاران ل توركیێ دكە داكو هێز و ئالاڤێن خوە یێن لەشكەری ژ تەڤایا خالێن خوە یێن چاڤدێریێ ل ئدلب و گوندەوارێن وێ هەروەها ل حەلەب و حمایێ ڤەكشینە، وسەربار كر كو بەریا چەند رۆژان هێزێن توركیێ خوە ژ مەزنترین خالا خوە یا چاڤدێریێ ل دەڤەرا مۆرك لگوندەوارێ حمایێ ڤەكشاند وبەرەڤ گوندوارێن ئدلبێ ڤە چوو .
لسەر بەردەوامیا ئیریشكرنا روسیێ ژ دەڤەرێن لباكورێ رۆژئاڤایێ ئدلبێ رە كو د دەما داوویێ دە روسیا ئیریشێن خوە ل هەمان دەڤەرێ گوورتركریە لێ حەتا نها وەلاتێ توركیێ توو داخویانیەك نەدایە وبێ دەنگی هەلبژارتیە .
هەمان ژێدەرێ دا زانین وگۆت كو ب پێكئانینا ئێریشان لسەر دەڤەرین لباكورێ رۆژئاڤایێ ئدلبێ ژ ئالیێ بالافرێن شەر یێن روسی ڤە ، روسیا دخوازە نامەیێن زەلال بگهینە توركیێ واتە كو روسیا راناوەیتە وێ وێ بەردەوامبە دڤان ئێریشان دە حەتا كو توركیێ تەڤایا داخوازان وان جیبجی بكە .
251
