H.N.O.S پێشوازی ل داخویانیا گروپا بچووك دەربارێ سوریێ كر
ارك نیوز .. پشتی كو گروپا بجۆك یا ناڤدەولتی دەربارێ سوریێ داخویانیەك هەڤبەش بەلاڤكرن وتێدە داخوازا بداویئانینا كریزا سوریێ لگۆری بریارا ئەنجومەنا ئەولەهیا ناڤدەولتی بیست و دوو وپێنجی و چار كرن ، هەڤپەیمانیا نشتیمانی یا ئۆپۆزسیۆنا سوریێ ژ ئالیێ خوەڤە پێشوازی ل وێ داخویانیا هەڤبەش كر.
د داخویانیەكێ دە هەڤپەیمانیا نشتیمانی یا ئۆپۆزسیۆنا سوریێ پێشوازی ل داخویانیا كو ژ ئالیێ وەزیرێن دەرڤە یێن وەلاتێن فەرەنسا ، المانیا ، سعودیێ ، اردن ، مسر ، ئەمەریكا ، بریتانیا هاتە دەرخستن بتایبەتی لسەر پێویستیا دیتنا چارەسەریەك سیاسی ژ كریزا سوریێ رە لگۆری بریارا ناڤدەولتی بیست ودوو وپێنجی وچار كر .
هەروەها داخویانیی تەكەزی لسەر پێویستیا پشتەڤانیا هەولین كو ژ ئالیێ شاندەیی ناڤدەولتی یێ تایبەت بۆ سوریێ تێنە كرن دەربارێ پێشڤەچوون د پرۆسەیا سیاسی دە و كار ژبۆ ئەنجامدانا گەرا چاران ژ جڤینێن كۆمیتەیا دستورا سوری رە كر و ب هەولێن گرنگ بناڤ كر .
هەڤپەیمانیێ د د هەمان داخویانیا خوە دە تەكەزی لسەر گرنگیا ستاندنا پێنگاڤێن نوو و جدیتر سەبارەتی تەڤایا پێڤاژۆیێن چارەسەریا سیاسی لسوریێ لگۆری بریارا ئەنجومەنا ئەولەهیا ناڤدەولتی بیست و دوو وپێنجی وچار كر هەروەها بحسا ئەنجامدانا هلبژارتێن زەلال و ئازاد دبن سەرپرشتیا نەتەوێن یكگرتی د ژینگەهەكە ئارام ویەك ئالی كر كو تەڤایا گەلێ سوریێ ژ هەموو پێكهاتەیێن خوە بەشداریێ دڤان هەلبژارتنان دە بكن و دەنگێن خوە بدن .
دەربارێ پرسا پەنابەران و ڤەگەرا وان بۆ وەلاتێ سوەریێ هەڤپەیمانیێ پشتەڤانیا داخوازا گروپا بجۆك كر و تەكەزی لسەر بەردەوامیا پشتەڤانیا پەنابەرێن سوری كر كو ئەتموسفێرەك گونجاو ژبۆ ڤەگەرا پەنابەرێن سوری بۆ سەر زێدێن خوە ، وسەربەستبەردانا تەڤایا گرتیان یێن د زندانێن رێژیما ئەسەد دە كر ، وسەربار كر وگۆت ئەو قەت قەبوول ناكن كو گوهەرتنەكە دیمغرافی ب نەچاری وەرە كرن و بتوندی ئەڤ یەك رەد كر .
هەڤپەیمانیا نشتیمانی یا ئۆپۆزسیۆنا سوریێ د داویا داخویانیا خوە دە تەكەزی لسەر پێویستیا پابەندی و جدیتا جڤاكا ناڤدەولتی ژبۆ جیبجیكرنا بریارێن ئەنجومەنا ئەولەهیا ناڤدەولتی ژبۆ دیتنا چارەسەریەك سیاسی بلەز ژ كریزا سوری رە وگۆت هەر كو كریزا سوریێ وەرە دەرەنگ خستن وێ رەوشا سوریێ رۆژ برۆژ خرابتر و ئالۆزتر ببە .
272
