ل لسەرانسەری سوریێ 382 حالەتێن نوو یێن كۆرۆنایێ هاتنە تۆماركرن
ارك نیوز .. رۆژ ب رۆژ و ئامارێن كۆرۆنایێ لسەرانسەری سوریێ بەرب زێدەبوونێ ڤە دچە چێ ل ناڤچەیێن كوردی لرۆژئاڤایێ كوردستانێ بە و چێ ژی ل دەڤەرێن دبن كۆنترۆلا رێژیم و ئۆپۆزسیۆنا سوریێ بە كو حەتا نها كو حەتا نها هەژمارا گشتی یا پێكەتیێن كۆرۆنایێ لسەرانسەری سوریێ گهشتیە نێزی یازدە هەزار كەسی .
دەربارێ داوین ئامار وپێشهاتەیێن كورۆنایێ ل رۆژئاڤایێ كوردستانێ رۆژ ب رۆژ وئامار زێدەتر دبە هەری داوی ژی پێكەتنا 150 كەسێن نوو ب ڤیروسا كۆرۆنایێ و وباشبوونا پێنج كەسێن دن ب كۆرۆنا .
هەر لگۆری دەستەیا تەندروستیێ یا بسەر رێڤەبەریا پەیەدی راگهاتدیە كو د هەیاما بیست وچار دەمژمێرێن بووری 150 كەسێن دن بكۆرۆنایێ كەتنە ، پینج كەسێن دن ژی باشبوونە .
هەمان دەستەیێ دیار كر كو ژ كۆما پێكەتیان 17 ل حەسەكێ ، 20 ل قامشلۆ، 24 ل دێركێ ، 14 ل گركێ لەگێ ، 6 ل رمێلان، 3ل عامودێ ، 2 ل دربێسیێ ، یەك كەس ل چل ئاغا، 28 ل رەقاو 21 ل كۆبانێ ، 6 ل منبجێ نە.
هەر لگۆری دەستەیا تەندروستیی یا بسەر پەیەدێ ئەشكەرە كریە كو ب تۆماركرنا حالەتێن نوو یێن توشبوونێ بكۆرۆنایێ هەژمارا گشتی یا پێكەتیێن كۆرۆنایێ ل رۆژئاڤایێ كوردستانی گهشتیە 3098 كەسان ، ژوان635 كەس باش بونە ، 95 كەسان جانێ خوە ژ دەست دانە .
دەربارێ ئامار وپێشهاتەیێن كورۆنایێ ل ناڤچەیێن دبن دەستێ ریژیما ئەسەد دە ژی هەژمارا توشبوویان گهشتیە زێدەتری 5 هەزار كەسی پشتی تۆماركرنا 44 حالەتێن نوو یێن توشبونی ب كۆرۆنایێ .
د داخویانیەكێ دە وەزارەتا تەندروستیێ یا ریژیما ئەسەد راگهاند كو د هەیاما بیست وچار دەمژمێرێن بووری 44 كەسێن دن ب كۆرۆنایێ كەتنە ، 3 كەسان چانێ خوە ژ دەست دانە ، و 34 كەس ژی بتەمامی ژ كۆرۆنایێ باش بوونە ، و دیار كر كو حالەتێن هاتنە تۆماركرن بڤی ئاوایی نە : 10 ل حەلەبێ ، 21 لشامێ وگوندەوارێن وێ ، 4 ل تەرتووس، 3 ل حمسێ ، 5 ل لازقیێ نە .
لگۆری داخویانیا وەزارەتا تەندروستیا ریژیمێ كو بڤێ ئاوایی هەژمارا گشتی یا پێكەتیێن كۆرۆنا ل دەڤەرێن ژێر كۆنترۆلا وێ دگهێژە 5077 كەسان ، ژ وێ هەژمارێ 1528 كەس بتەمامی باش بوونە و 248 كەس ژی جانێ خوە ژ دەست دانە .
دەربارێ ئامارێن كۆرۆنایێ و داوین پێشهاتەیێن وێ ل دەڤەرێن ژێر كۆنترۆلا ئۆپۆزسیۆنا سوریێ ژی هەژمار رۆژ ب رۆژ بەر ب زێدەبوونێ ڤە دچە و هەری داوی پێكەتنا 188 كەسێن نوو بڤیروسا كۆرۆنایێ .
دڤێ دەربارێ دە پرۆگراما هوشیاری وبەرسڤدانا نەخوەشیان د داخویانیەكە خوە دە راگهاند كو د هەیاما بیست وچار سەعیتێن بووری دە 188 كەسێن دن بگۆرۆنایێ كەتنە بێ تۆماركرنا توو حالەتێن ژیانژدەستدانێ .
هەمان پرۆگرامێ دیار كر ژ كۆما پێكەتیان 55 ل عفرین ، 18 ل باب، 28 ل اعزاز ، 4 ل تەرابلس، 5 ل چیایێ سمعان ، 78 كەس ل ئدلبێ نە .
لگۆری داخویانیا پرۆگراما ناڤهاتی كو حەتا نها هەژمارا گشتی یا پێكەیان بڤیروسا كۆرۆنایێ ل دەڤەرێن دبن كۆنترۆلا ئۆپۆزسیۆنێ پشتی تۆماركرنا حالەتێن نوو گهشتیە 2649 كەسان ، ژ وێ ژمارەیێ 1256 كەس باش بوونە و 20 ژی جانێ خوە ژ دەست دانە .
355
