راپۆرتا سیاسی یا PDK-S یا مەها ئەیلونێ

ارك نیوز .. پارتیا دیموكراتا كوردستان سووریا راپۆرتا خوە یا مەها ئیلوونێ بەلاڤكر وتێدە رۆناهی خستیە سەر داوین پێشهاتەیێن دەڤەرێ ب گشتی ویێن سووریێ ورۆژئاڤایێ كوردستانێ ب تایبەتی.

د راپۆرتا پارتیا دیموكراتا كوردستان سووریا دە هاتیە كو رۆسیا هندەك جار هەول ددە ژ ئێرانێ نێزیك ببە داكو رووبرووێ سزایێن ئەمریكی ببە, وهندەك جار هەول ددە هەژموونا ئێرانێ ژ سووریێ كێم بكە, وهندەك جار رۆسیا گەفان ل رژێما ئەسەد دكە كو وێ هێزێن خوە ژ رۆژهلاتێ سووریێ ڤەكشینە, ود هەمان دەمێ دە فشارێ ل قەسەد ژی دكە داكو بكەڤە بن هەژموونا رۆسی دە .

هەروەها د راپۆرتا پارتی دە هاتیە كو ئەمریكا بەردەوام كار ژ بۆ پاراستنا بەرژەوەندیێن خوە وبجیكرنا ئیستراتیجیەتا خوە دكە ل تەڤایا دەڤەرێ ب گشتی, وئەمریكا خوەستەكا خوە ددە خویاكرن كو پێویستە كریزا سووریێ د ریێا بریارا ناڤدەولەتی 2254 ڤە وەرە چارەسەركرن , وتەڤی هەبوونا جوادهیێ د نەرینان دە ئەمریكا ژ توركیا نێزیك دبە .

پارتیا دیموكراتا كوردستان سووریا د راپۆرتا خوەیا مەها ئیلوونێ دە بەحسا سیاسەتا ئێرانی ل دەڤەرێ كر , وگۆت كو ئێران بەردەوام دەستێوەردانێ د كاروبارێ چەند وەلاتەكی دەڤەرێ دە دكە , كو دەرئەنجامێن ڤێ سیاسەتێ تێكچوونا رەوشا گشتی یا دەڤەرێ یە .

ودەربارێ سیاسەتا توركیا ل دەڤەرێ پارتیا دیموكراتا كوردستان سووریا گۆت كو تركیا گرینگیێ ددە سیاسەتا خوە یا دەرڤە بهتر ژ سیاسەتا ناڤخۆیی , ژبەر وەكە خویایە كو توركیا نكارە كێشەیێن خوە یێن ناڤخۆیی چارەسەر بكە لەوما بەرێ خوە دایە سیاسەتا دەرڤە , ود دەما نهادە توركیا دەستێوەردانێ د لیبیا وعێراق , وسووریا دە دكە, وچەكداران ژی دشینە لیبیا وئەرمینیاز.

هەروەها پارتیا دیموكراتا كوردستان سووریا دەربارێ سیاسەتا عێراقێ گۆت كو رەوشا عێراقی رۆژ ب رۆژ بەرەڤ ئالۆزی وتێكچوونێ دچە , ژ بەر گەندەلیا ئیداری وئابوری یا زێدە , وهەروەها ژ بەر ناكۆكیێن ناڤخۆیی ناڤبەرا ئالیێن سیاسی یێن عێراقی.

پارتی د راپۆرتا خوەدە گۆت كو ژ بەر ئێریشكرنا چەكدارن ل سەر نوونەرێن دبلۆماسی یێن وەلاتان , وبالوێزخانەیان , ئەمریكا وتەڤایا وەلاتان بارەگەهێن خوە بۆ هەولێرا پایتەختا كوردستانێ ڤەگوهاستن.

ودەربارێ هەرێما كوردستانێ د راپۆرتا پارتیا دیموكراتا كوردستان سووریا دە هاتیە كو حكوومەتا هەرێما كوردستانێ هەول ددە پشتەڤانیا حكوومەتا عێراقێ بكە داكو ژ ڤێ كریزێ دەركەڤە, وهەول ژ بۆ چارەسەركرنا كێشەیان ناڤبەرا هەولێر وبەغداد بەردوامن, ود دەما نهادە گەلەك ل هەڤتێگهشتن ناڤبەرا هەردو ئالیان دە ژ بۆ چارەسەركرنا كێشەیان هەنە.

هەروەها پارتیا دیموكراتا كوردستان سووریا دەربارێ رەوشا رۆژئاڤایێ كوردستانێ گۆت كو دانوستاندن ناڤبەرا ئەنجوومەنا نشتیمانیا كورد ل سووریێ وپارتیێن یەكیتیا نشتیمانی كورد تەڤی كو ب لەز نایێن كرن لێ بەردەوامن , ودۆسەیێن ناكۆكدار ئاستەنگیێن هەری مەزنن ل پێشیا دانوستاندان , ودانوستاندنێن راستەقینە ژ بۆ هەڤپاریا راستەقینا نەهاتنە راوەستاندن.

پارتیا دیموكراتا كوردستان سووریا گۆت كو دانوستاندێن كوردی كوردی ژ ئالیێ فەرەنسا , ئەلمانیا, بەریتانیا وئەمریكاڤە تێنە پشتەڤانیكرن , وپارتیا دیموكراتا كوردستان سووریا ژی پشتەڤانیا دانوستاندنێن كوردی كوردی دكە.

ودەربارێ بنپێكرنێن كو ل عەفرینێ وسەرێ كانیێ وكرێ سپی روودنن , پارتیا دیموكراتا كوردستان سووریا گۆت كو كار ژ بۆ نەهشتنا بنپێكرنان ل سەر ئاستی هەرێمی وناڤدەولەتی بەردەوامن وكار وێ بەردەوام بە تاكو تەڤایا دەربەدەر ڤەگەرنە سەر زێدێن خوە.

348