لسوریێ بگشتی چار مەلیۆن ونیف زارۆك راستی برچیبوونێ تێن

ارك نیوز .. رێخستنەكە ناڤدەولتی یا تایبەت ب زارۆكان راگهاند كو بێهتر ژ چار مەلیۆن ونیڤ زارۆك لسوریێ راستی برچیبوونێ هاتنە .
رێخستنا سێڤ ژا چلدرێن یا ناڤدەولتی د راپۆرتەكە خوە دە ئەشكەرە كر وگۆت كو ل تەڤایا سوریێ ژبەر تێكچوون وخرابوونا رەوشێ د دەما نها دە بێهتری چار مەلیۆن وپینسەد زارۆك لسوریێ برچینە و ئاماژە كر ژی كو حەفسەد هەزار زارۆكێن دن ل تەڤایا ناڤچەیێن سوریێ ژبەر تێكچوونا ئابووریا سوریێ و بەلاڤبوونا ڤیروسا كۆرۆنایێ توشی برچیبوونێ هاتنە .

وەكە هەمان رێخستنێ د راپۆرتا خوە دە دایە خویاكرن كو د هەیاما شەش هەیڤێن بووری دە ل سوریێ بگشتی هەژمارا زارۆكێن كو راستی برچیبوون ونەبوونا ئەولەهیا خوارنێ هاتنە گهشتیە چار مەلیۆن و شەسەد هەزار زارۆكی .

پێش دەمەكێ ژی ژ ئالیێ خوەڤە بۆرگراما خوارنێ یا جیهانی یا بسەر نەتەوێن یكگرتی ڤە راگهاندبوو كو ئەگەرەك مەزن هەیە وەلاتێ سوریێ تەڤلی لیستەیا برچیبون و هەژاریێ ببە ژبەر بەردەوامیا شەر ل وی ولاتی .

هەمان پرۆگرامێ هشیاری دا و گۆتبوو كو ئەگەرەك مەزن هەیە كو نێزی دوومەلیۆن و دووسەد هەزار وەلاتیێن سوری بسەداما بەردەوامیا شەر لسوریێ كو ئەڤە زێدەتری دەه سالانە وهین شەر بەردەوامە تەڤلی لیستەیا برچیبوون هەزاریێ ببە .

پرۆگراما خوارنێ یا بسەر نەتەوێن یكگرتی دا خویاكرن ژی كو ژبەر بەردەوامیا شەر ب درێژاهیا دەه سالان نها لسوریێ نەبوونا ئەولەهیا خوارنێ پەیدابوویە ونێزی نەه مەلیۆن وسێسەد هەزار سوری برچینن و دبن هێلا هەژاریێ دەنە و گۆت كو بێ پێشكێشكرنا ئالیكاریان ژ سوریان رە ئەگەرەك هەیە كو بیهتری دوو مەلیۆن و دووسەد هەزار وەلاتیێن سوری تەڤلی لیستەیا برژیبوون و هەزاریێ ببن . و مەترسیا خوە ژ تۆماركرنا ریژیەك بلندتر دڤێ دەربارێ دە نیشان دا بتایبەتی پشتی سەپاندنا پرۆژەیاسا سیزر لسەر سوریێ و تێكچوونا ئابووربا سوریێ .

وگۆت د سالا دوو هەزار ونۆزدەهان دە رێژەیا پرچیبوون و هەژاریێ لسوریێ كێمتر بوو ب بەراوری ب ئیسال رە كو سالا بوری هەژمارحەفت مەلیۆن وحەفسەد هەزار كەس بوو لێ ژبەر ڤیروسا كۆرۆنا وبلندبوونا نرخێن تەڤایا كەل وپەلان وتێكچوونا ئابوریا سوریێ ئیدی ریژەیا برچیبون وهەژاریێ بلندتربوو .

نەتەوێن یكگرتی دا زانین ژی كو بسەدەما كریزێن ئابووری یێن بەردەام د هەیاما دەه سالێن بوری دە وبەردەوامیا شەر ل وی ولاتی و بەلاڤبوونا ڤیروسا كۆرۆنا و سەپاندنا سزایان لسەر سوریێ ژ ئالیێ ئەمەریكایێ ڤە ئیدی پرانیا گەلێ سوریێ دبن هێلا هەژاریێ دە دژی .

252