داوین ئامار وپێشهاتەیێن كۆرۆنا ل سەرانسەری سوریێ
ارك نيوز .. لسوریێ بگشتی هەم ل دەڤەرێن دبن كونترۆلا رێژیما ئەسەد دە و هەم ل دەڤەرێن دبن كونترۆلا ئۆپۆزسیۆنا سوریێ دە و چ ژی ل ناڤچەیێن كوردی لرۆژئاڤایێ كوردستانی رۆژ ب رۆژ و هەژمارا پێكەتیان ب ڤیروسا كۆرۆنایێ هەر كو دچە زێدەتر دبە كو حەتا نها هەژمارا گشتی یا پێكەتیێن كۆرۆنایێ لسەرانسەری سوریێ شەش هەزار كەس دەرباس كریە .
دەربارێ داوین ئامار وپێشهاتەیێن كورۆنایێ ل ناڤچەیێن دبن دەستێ ریژیما ئەسەد هەژمارا توشبوویان گهشتیە بێهتری چار هەزار كەسی پشتی تۆماركرنا سیه وحەفت حالەتێن نوو یێن توشبونی ب كۆرۆنایێ ژ ئالیێ وەزارەتا تەندروسیا بسەر ریژیما ئەسەد ڤە .
د داخویانیەكێ دە وەزارەتا تەندروستیێ یا ریژیما ئەسەد راگهاند كو د هەیاما بیست وچار دەمژمێرێن بووری سیه وچار كەسێن دن ب كۆرۆنایێ كەتنە ، سی كەسان چانێ خوە ژ دەست دانە ، و بیست كەس ژی بتەمامی ژ كۆرۆنایێ باش بوونە ، و دیار كر كو حالەتێن هاتنە تۆماركرن بڤی ئاوایی نە : پازدە كەس ل حەلەبێ ، دەه كەس ل شامێ ، شەش كەس لگوندەوارێ شامێ ، حەفت كەس ل حمسێ ، پێنج ل سوێدایێ نە .
لگۆری داخویانیا وەزارەتا تەندروستیا ریژیمێ كو بڤێ ئاوایی هەژمارا گشتی یا پێكەتیێن كۆرۆنا ل دەڤەرێن ژێر كۆنترۆلا وێ دگهێژە چار هەزار وسیه وهەیشت كەسان ، ژ وێ هەژمارێ هەزار وچل هەیشت كەس بتەمامی باش بوونە و سەد وهەیشتی و هەیشت كەس ژی جانێ خوە ژ دەست دانە .
دەربارێ ئامارێن كۆرۆنایێ و داوین پێشهاتەیێن وێ ل دەڤەرێن ژێر كۆنترۆلا ئۆپۆزسیۆنا سوریێ ژی هەژمار رۆژ ب رۆژ بەر ب زێدەبوونێ ڤە دچە و هەری داوی پێكەتنا پیننجی وچار كەسێن نوو بڤیروسا كۆرۆنایێ .
دڤێ دەربارێ دە پرۆگراما هوشیاری وبەرسڤدانا نەخوەشیان د داخویانیەكە خوە دە راگهاند كو د هەیاما بیست وچار سەعیتێن بووری دە پێنجی وچاركەسێن دن بگۆرۆنایێ كەتنە بێ تۆماركرنا توو حالەتێن ژیانژدەستدانێ .
ودیار كر كو ژ كۆما پێكەتیان : هیژدە كەس ل بابێ ، نەه كەس ل اعزازێ ، حەفت ل جرابلس لگوندەوارێ حەلەبێ ، بیست كەس ل ئدلبێ نە .
لگۆری داخویانیا پرۆگراما ناڤهاتی كو حەتا نها هەژمارا گشتی یا پێكەیان بڤیروسا كۆرۆنایێ ل دەڤەرێن دبن كۆنترۆلا ئۆپۆزسیۆنێ پشتی تۆماركرنا حالەتێن نوو گهشتیە هەیسەد وبیست وپێنج كەسان ، ژ وێ ژمارەیێ چارسەد وهەیشت كەس باش بوونە و شەش كەس ژی جانێ خوە ژ دەست دانە .
ل رۆژئاڤایێ كوردستانی ژی ئامار بەر ب زێدەبوونێ ڤە دچە هەری داوی ژی راگهاندنا دەستەیا تەندروستیی یا بسەر رێڤەبەریا پەیەدی ژ پێكەتنا سیه ونەه كەسێن نوو ب كۆرۆنایێ لسەرانسەری رۆژئاڤایێ كوردستانێ .. هەر لگۆری دەستەیا تەندروستیێ یا پەیەدی راگهاتدیە كو د هەیاما بیست وچار دەمژمێرێن بووری سیه ونەه كەسێن دن بكۆرۆنایێ كەتنە ودیار كر كو ژ كۆما پێكەتیان حڤدە ل حەسەكێ ، نەه لقامشلۆ ، چار ل گركێ لەگێ ، سێ دێرك ، دوو ل تربەسپیێ ، دوو ل چل اغا ، یەك كەس ل رمێلان ، و یەك كەس ل تل تەمەرێ نە .
هەر لگۆری دەستەیا تەندروستیی یا بسەر پەیەدێ دایە خویاكرن كو ب تۆماركرنا حالەتێن نوو یێن توشبوونێ بكۆرۆنایێ هەژمارا گشتی یا پێكەتیێن كۆرۆنایێ ل رۆژئاڤایێ كوردستانی گهشتیە هەزار وسێسەد ونەت وهەیشت كەسان ، ژوان سێسەد ونۆت وحەفت كەس باش بونە وشیست ویەك كەسان ژی جانێ خوە ژ دەست دانە .
367
