داوین ئامارێن كۆرۆنا ل دەڤەرێن بن دەستێ ریژیم و ئۆپۆزسیۆنا سوریێ دە

ارك نيوز .. وەزارەتا تەندروستیێ یا بسەر رێژیما ئەسەد ڤە پێكەتنا سی وشەش كەسێن دن بڤیروسا كۆرۆنا ل دەڤەرێن ژێر كۆنترۆلا خوە راگهاند .

لگۆری داوین ئامارێن وەزارەتا تەندروستیا رێژیما ئەسەد بەلاڤ كریە كو د هەیا بیست وچار دەمژمێرێن بوری دە سی وشەش كەسێن دن ب ڤیروسا كۆرۆنایێ كەتنە ودوو كەسان ژی جانێ خوە ژ دەست دانە.

وەزارەتا ناڤهاتی دا دیاركرن كو ب ئامارێن نوو هەژمارا گشتی یا پێكەتیێن كۆرۆنایێ ل دەڤەرێن ژێر كۆنترۆلا وێ دە دگهێژە سێ هەزار وپێنسەد وحەفتێ وشەش كەسی ژ وێ هەژمارێ سەد وپێنجی وحەفت كەس جانێ خوە ژ دەست دانە و حەفسەد وهەیشتی كەس ژی بتەمامی باش بوونە .

ژ ئالیێ خوەڤە ژی برۆگراما هشیاری و بەرسڤانا نەخوەشیان تۆماركرنا هەیشتێ حالەتێن نوو یێن توشبوونێ بڤیروسا كۆرۆنایێ ل دەڤەرێن ژیر كۆنترۆلا ئۆپۆزسیۆنا سوریێ راگهاند.

لگۆری داوین ئامارێن برۆگراما هوشیاری و بەرسڤدانا نەخوەشیان كو د هەیا بیست وچار سەعێن بووری دە هەیشتێ كەسێن دن بكۆرۆنا كەتنە و سێ كەسان چانێ خوە ژ دەست دانە, دیار كر كو بڤێ یەكێ هەژمارا گشتی یا پێكەتیێن كۆرۆنایێ ل دەڤەرێن دبن كۆنترۆلا ئۆپۆزسیۆنێ دە دگهێژە سێسەد وچل وپێنج كەسی ژوان سەد وسێ كەس باش بوونە ، وسێ كەسان ژی جانێ خوە ژ دەست دانە

292