گوندەكی عەفرینێ ژ 600 مالباتی تەنێ 50 مالبات مایە
آرك نيوز... گوندێ قرو گولێ یەك ژ گوندێن هەرێما عەفرینا رۆژئاڤایێ كوردستانێ یە گوندەكی مەزنە و ل ناڤچەیا بلبلێ دكەڤە هژمارا مالباتێن وێ شەسەد مالباتە لێ نها ب تەنێ پێنجی مالبات تێدە مایە.
عبدالكریم دلۆ بەرپرسێ نڤیسگەها راگهاندنا پەدەكەسێ ل لوبنانێ تایبەت ژ ئاركێ رە راگهاند كو پێنسەد وپێنجی مالبات ژ گوندێ قروگولێ كۆچبەر و دەربدەرن بتەنێ پێنجی مالباتێن كورد تێدە مایە.
ناڤبووری تەكەز كر كو د شوونا مالباتێن كورد دە مالباتێن عەرب هاتنە بجیكرن وگۆت ئەڤ گوند نموونەیك بچووك ژ گوهەرتنا دەمۆغرافییا عەفرینێ.
ژ دەما دەستدانینا توركیێ و گرووپێن چەكدار ل سەر عەفرینێ و گوهەرتنا دەمۆغرافی بەردەوامە وپرانییا خەلكێ وێ ژ بەر ئۆپەراسیۆنا لەشكەری و بنپێكرنان بەرێ خوە دانە شهبایێ و حەلەبێ و هن دەڤەرێن دن.
ش.ع
546
