هەژمارا پێكەتیێن بكۆرۆنایێ لسوریێ سێ هەزار كەس دەرباس كر
ارك نیوز .. وەزارەتا تەندروستیێ یا بسەر رێژیما ئەسەد ڤە پێكەتنا شێست كەسێن دن بڤیروسا كۆرۆنا ل دەڤەرێن ژێر كۆنترۆلا خوە راگهاند .
لگۆری داوین ئامارێن وەزارەتا تەندروستیا رێژیما ئەسەد بەلاڤ كریە كو د هەیا بیست وچار دەمژمێرێن بوری دە شیست كەسێن دن ب ڤیروسا كۆرۆنایێ كەتنە وسێ كەسان ژی جانێ خوە ژ دەست دانە و شازدە كەس ژی باش بوونە .
وەزارەتا ناڤهاتی دا دیاركرن كو ب ئامارێن نوو هەژمارا گشتی یا پێكەتیێن كۆرۆنایێ ل دەڤەرێن ژێر كۆنترۆلا وێ دە دگهێژە سێ هەزار و دووسەد وهەیشتێ و نەه كەسان ژ وێ هەژمارێ سەد وچل كەس جانێ خوە ژ دەست دانە و حەفسەد وشێست كەس ژی بتەمامی باش بوونە .
ژ ئالیێ خوەڤە ژی برۆگراما هشیاری و بەرسڤانا نەخوەشیان تۆماركرنا حەفت حالەتێن نوو یێن توشبوونێ بڤیروسا كۆرۆنایێ ل دەڤەرێن ژیر كۆنترۆلا ئۆپۆزسیۆنا سوریێ راگهاند .
د داخویانیەكێ دە برۆگراما هوشیاری و بەرسڤدانا نەخوەشیان راگهاند بڤێ یەكێ هەژمارا گشتی یا پێكەتیێن كۆرۆنایێ ل دەڤەرێن دبن كۆنترۆلا ئۆپۆزسیۆنێ دە دگهێژە سەد وسیه و هەیشت كەسی ژوان هەیشتی و یەك كەس باش بوونە بێ كو توو حالەتێن ژیانژدەستدانێ بكۆرۆنایێ حەتا نها وەرە تۆماركرن .
373
