داوین پێشهاتە وپیشڤەچوونێن میدانی ل ئدلبی

ارك نیوز .. دۆه سێشەمی ئارتێشا توركیێ باراگەهێن لەشكەری یێن ریژیما ئەسەد لگوندەواری ئدلبێ كرن ئارمانج ... رەوانگەها سوریێ یا مافێ مرۆڤان راگهاند كو هێزێن توركیێ شەڤا بووری چەند باراگەهەكی رێژیمێ لباژارێ سەراقب لگوندەواری ئدلبێ بومبەبارانكرن .

هەروەها رەوانگەهێ سەربار كر كو گروپێن چەكدار یێن بسەر ئۆپۆزیۆنا سوریێ ژی ژ ئالیێ خوە ڤە بەرەیا الرویحە ل گوندەواری ئدلبێ ب تۆپان ئارمانج كر بێ كو حەتا نها زیانێن مادی وجانی وەرنە زانین .

هەر لگۆری هەمان رەونگەهێ دایە زانین كو هێزێن رێژیما ئەسەد ومێلیسین بسەرڤە ب تۆپخانەیا گران باژارۆكێ النیرب و دەردۆرا وێ لنێزی ریێا حەلب لازقیێ تۆپبارانكر كو د ئەنجاما وێ ئێریشێ دە ژنەك بگرانی برینداربوو سەرباری روودانا زیانێن مادی ل هەمان دەڤەرێ وسەربار كر كو چەكدارێن رێژیمێ هەروەها باراگەهێن گروپێن چەكدار ل بەرەیا الرویحە لباشورێ ئدلبێ وكفر عوید وسفوهن والفتیرە ل چیایی الزاویێ ئارمانج كرن .

ودا زانین ژی كو گوندێ مجدلیا و دەردۆرا ئەریحا ژی راستی ئێریشێن تووند ژ ئالیێ بالافرێن شەر یێن ریژیمێ ڤە هات و د ئەنجامێ دە زیانێن مادی روودان .

چالاكڤانێن دناڤا ئدلبی دە ژی راگهاندن كو رۆژ ب رۆژ وبالافرێن شەر یێن رێژیما ئەسەد و روسیی ئێریشێن خوە لسەر دەڤەرا چیایی ئەلزاویێ لگوندەواری ئدلبێ گوورتر دكە یا هەری داوی ژی ئارما نجكرنا هەر یەك ژ باژار وباژارۆكێن فلێفل والحلوبە والرویحە وبینین و دەردۆرا دێر سنبل بێ كو زیانێن جانی ومادی وەرنە ناسكرن ...

لگۆری هەمان چالاكڤان ددانە خویاكرن كو ریژیما ئەسەد ومێلیسێن بسەر بەست ب ئۆپەراسیۆنە لەشكەری بەرفرە ل دەڤەرا چیایێ الزاەیە كرنە وەكو هەولەكە پێشڤەچوونێ بەرەڤ دەڤەرا الزاویە داكو وێ دەڤەرێ ژی بخە بن كۆنترۆلا خوە دە .

321