ئامارێن كۆرۆنا لسوریێ بگشتی
ارك نیوز .. لسوریی بگشتی چ ل دەڤەرێن ژێر گۆنترۆلا ریژیما ئەسەد بە یان ژی ل دەڤەرێن دبن كۆنترۆلا ئۆپۆزسیۆنا سوریێ بە هەركۆ دچە هەژمارا تووشبوویان ب ڤیروسا كۆرۆنا زێدەتر دبە هەری داوی ژی تۆماركرنا شیست و حەفت حالەتێن تووشبوونێ یێن نوو ل دەڤەرێن ژێر كۆنترۆلا ریژیما ئەسەد دە ، و ددو كەسێن دنژی لرۆژهەلاتێ لگوندەوارێ حەلەبێ .
وەزارەتا تەندروستیا رێژیما ئەسەد د داوین داخویانیا خوە دە پێكەتنا شێست و حەفت كەسێن دن ل دەڤەرێن ژێر گۆنترۆلا خوە دە راگهاند بێ كو بحسا ئامارێن ژیانژدەستدانێ بكە كو لگۆری داوین داخویانیا وێ حەتا نها پینجی و دوو كەس ژبەر كۆرۆنا جانێ خوە ژ دەست دانە .. سەرباری كەسێن كو ژ كۆرۆنایێ باش بوونە وەزارەتێ دا خویاكرن كو حیژدە كەسێن دن ژ كۆرۆنا رەحەت بوونە وبڤی یەكی هەژمارا كەسێن كو ژ كۆرۆنا باشبوونە گهشتیە سیسەد و شێست و چار كەسان .
لگۆری داوین ئامارێن وەزارەتا تەندروستیێ یا رێژیمێ حەتا نها هەزار و دوو سەد وپێنجی و پێنج كەس توشی كۆرۆنایێ بوونە بێ كو ئامارێن مرییان بدە دیاركرن .
دەرباری ئامارێن كۆرۆنا دناڤا كامپان دە دكتور محمد سلیم ئەندامێ تۆرا هوشیاری و بەرسڤدانا نەخوەشیان راگهاند كو دوو حالەتێن توشبونێ بكۆرۆنا ل كامپا باب السلامە لگوندەوارێ حەلەبێ هاتیە تۆماركرن و سەربار كر كو ئەو هەردوو كەسێن كو بكۆرۆنا كەتنە ژن و مێرەكە كو هەڤژینێ هەڤن .
هەمان ئەندامێ د تۆرا هوشیاری و بەرسڤدانا نەخوەشیان دە یا بناڤێ ئەوورن گۆت كو ئەڤە یەكەم جارە و حالەتێن توشبونێ بگۆرۆنا دناڤا كامپێن پەنابەریێ دە تێنە تۆماركرن .
د نەهێ تەباغا بووری یەكەم حالتەتا پێكەتنێ بكۆرۆنا ل نەخوەشخانەیا باب الهەوا یا نێزیكی سینۆرێ توركیێ لباكورێ رۆژئاڤایێ سوریێ هاتە تۆماركرن .
دەرباری هەژمارا گشتی یا پێكەتیێن كۆرۆنا ل دەڤەرێن ژێر كۆنترۆلا ئۆپۆزسیۆنێ ژی تۆرا ناڤبوری دیار كر كو حەتا نها هەژمارا گشتی یا توشبوویان گهشتیە چل وسێ كەسان ژ وێ ژمارەیی بیست و نەه كەس باش بوونە .
ژ ئالیێ خوەڤە ژی تۆرا دەنگێ پایتەختێ راگهاندبوو كو ژ دەسپێكا ڤێ مەهێ ڤە نۆزدە كەس ژ باژارێ دوما لگوندەوارێ شاما پایتەخ ژبەر ڤیروسا كۆرۆنا جانێ خوە ژ دەست دانە كو بڤێ یەكێ هەژمارا مرییان ب كۆرۆنا لباژارێ دوما دگهێژە چل و هەیشت كەسان ئەوژی لگۆری بەلگەكرنا تۆرا دەنگی پایتەختێ وسەربار كر كو ئامارێن كۆرۆنا یێن كو ژ ئالیێ وەزارەتا تەندروستیا ریژیمێ تینە راگهاندن ژ راستیێ دوورن .
هەمان تۆری دا ئاماژە ب خەمساریا ب مەبەست ژ ئالیێ كادرێن تەندروستی یێن بسەر رێژیما ئەسەد ڤە كر هەڤدەمی بلندبوونا رێژەیا مرنێ ب كۆرۆنا لشامێ كو هەژمارا كەسێن كو ژیانا خوەژ دەست ددن بڤیروسا كۆرۆنا كەلەكی بلندە لێ وەزارەتا تەندروستیێ یا بسەر رێژیمێ ئامارێن راست بەلاڤ ناكە .
247