سوریێ ... داوین ئامارێن كۆرۆنا

ارك نيوز.. رۆژ ب رۆژ و ئامارێن توشبوونی ب ڤەیروسا كۆرۆنا بەر ب زیدەبوونێ ڤە دچە هەری داوی ژی بەلگەكرنا ژیانژدەستدانا چل و هەیشت كەسان بڤیروسا كۆرۆنا ل باژارێ دوما ل غوتا رۆژهەلات لگوندەوارێ شامێ .

تۆرا دەنگێ پایتەختێ دۆه یەكشەمێ ئەشكەرە كركو ژ دەسپێكا ڤێ مەهێ ڤە نۆزدە كەس ژ باژارێ دوما لگوندەوارێ شاما پایتەخ ژبەر ڤیروسا كۆرۆنا جانێ خوە ژ دەست دانە كو بڤێ یەكێ هەژمارا مرییان ب كۆرۆنا لباژارێ دوما دگهێژە چل و هەیشت كەسان ئەوژی لگۆری بەلگەكرنا تۆرا دەنگی پایتەختێ وسەربار كر كو ئامارێن كۆرۆنا یێن كو ژ ئالیێ وەزارەتا تەندروستیا ریژیمێ تینە راگهاندن ژ راستیێ دوورن .

هەمان تۆری دا ئاماژە ب خەمساریا ب مەبەست ژ ئالیێ كادرێن تەندروستی یێن بسەر رێژیما ئەسەد ڤە كر هەڤدەمی بلندبوونا رێژەیا مرنێ ب كۆرۆنا لشامێ كو هەژمارا كەسێن كو ژیانا خوەژ دەست ددن بڤیروسا كۆرۆنا كەلەكی بلندە لێ وەزارەتا تەندروستیێ یا بسەر رێژیمێ ئامارێن راست بەلاڤ ناكە .

ژ ئالیێ خوەڤە وەزارەتا تەندروستیێ یا بسەر رێژیمێ ڤە د داوین داخویانیا خوە دە پیكەتنا شێست و سێ كاسان ب كۆرۆنا راگهاندبوو ولگۆری ئامارێن ریژیمێ هەژمارا گشتی یا تووشبوویان ب كۆرۆنا ل دەڤەرێن ژیر كۆنترۆلا وی گهشتیە هەزار و سەد و هەیشتی و هەیشت كەسی سەرباری تۆماركرنا دوو حالەتێن ژیان ژدەستدانێ كو بڤی یەكی هەژمارا مرییان دگهێژە پێنجی و دوو هەروەها راگهاندنا باشبوونا سێسەد وچل وشەش كەسان ب كۆرۆنا .

لگۆر هەمان تۆرێ دایە خویاكرن كو ، ئەڤ ئامارا كو وەزارەتا تەندروستیێ بەلاڤ كربوو بەریا دوو رۆژان بوو و حەتا نها دوو ئامارێن نوو رانەگهاندیە .


ل دەڤەرێن ژێر كۆنترۆلا ئۆپۆزسیۆنا سوریێ ژی دوو حالەتێن دن یێن توشبوونێ بكۆرۆنا هاتنە تۆماركرن .. لگۆری داوین ئامارێن هاتنە بەلاڤكرن كو دوو كەسێن دن لگوندەوارێ حەلەبێ بڤیروسا كۆرۆنا كەتنە ، كو بڤی یەكێ هەژمارا گشتی یا توشبوویان لدەڤەرێن ژێر كۆنترۆلا ئۆپۆزسیۆنا سوریێ گهشتیە چل و سێ كەسان ، ژ وی ژمارەیێ بیست و نەه كەس باش بوونە .

251