رێژیما ئەسەد د ئارمانجكرنا دەڤەرا الزاویە لگوندەوارێ ئدلبێ دە بەردەوامە

Aug 11 2020

ارك نيوز .. هێزێن رێژیما ئەسەد ومێلیسێن بسەرڤە ژ ئالیەكی و بالافرین شەر یێن روسی ژ ئالیەكی دنڤە د ئارمانجكرنا باژارێ ئدلبێ و گوندەوارین وی دە بەردامە .

چالكڤانێن دناڤا ئدلبێ دە راگهاندن كو رۆژ ب رۆژ و بالافرێن شەر یێن ریژیم و روسیا ئێریشێن خوە لسەر دەڤەرا چیایێ الزاویە لگوندەواری ئدلبێ گوورتر دكە و بتوندی باژارۆك و گوندێن ل دەڤەرا الزاویە بومبەباران دكە .

هەمان چالاكڤانان دانە دیاركرن كو هەر یەك ژ ژ باژارۆكێ البارە و كنسفرە والموزرە و گوندێن سهل اغاب بتوندی هاتن بومبەبارانكرن و د ئەنجامێ دە زیانێن مادی مەزن روودان سەرباری دروستبوونا پێلەكە ە دەربەدەریێ كو ب سەدان مالبات مالێن خوە بجه هشتن و دەربەدەری ناڤچەیێن دن بوون..

ل ئالیەكی دن ژی ژێدەرێن لەشكەری راگهاندن كو ئەڤە دەمەك چێبوویە و هێزێن ریژیما ئەسەد ممێلیسێن بسەر هەبوونا خوە لسەر هێلا سینۆری بتایبەت ژ سنۆرێ كفرنبل تا دەڤەرا معرە النعمان بهێز دكە و ئالاڤێن لەشكەری یێن زێدە دشینە باراگەهێن خوە یێن لەشكەری ل وێ دەڤەرێ و جار بجار ئێریشان لسەر گوندەوارێ ئدلبێ پێك تینە بئارمانجا بەرفرهكرنا ئۆپەراسیۆنا خوە یا لەشكەری لسەر دەڤەرا الزاویە لگوندەوارێ ئدلبێ وەكو هەولوكە پێشڤەچوونێ داكو دەرباسی رۆژهەلاتێ دەڤەرا الزاویە ببە و تێخە بن كۆنترۆلا خوە دە ، وسەربار كر كو بالافرێن شەر یێن روسی ژی ئێریشێن خوە تووندتر كریە و بشێوەیەكی هۆڤانە دەڤەرا الزاویە لگوندەوارێ ئدلبێ دكە ئارمانج و د ئەنجامی دە زیانێن مادی و چانی تێنە روودان .

هەڤدەمی گووركرنا ئۆپەراسیۆنا لەشكەری ژ ئالیێ رێژیم وروسیێ ڤە لسەر دەڤەرا الزاویە مەترسیەك مەزن دناڤا خەلگێ دە دروستبوویە بتایبەتی ئەو مالباتێن كو دووبارە ڤەگەریانە سەر مال وملكێن خوە پشتی راگهاندنا ئاگربەستا راوەستاندنا شەر لگوندەوارێ ئدلبێ ناڤبەرا توركیێ وروسیێ دە لێ تەڤی ڤی رێكەفتنێ هینژی بومبەباران وتۆپبارانكرن لسەر باژار وباژارۆك و گوندێن لگوندەوارێ ئدلبێ بەردەوامە .



321