نەخوەشیا ڤێروسا كۆرۆنا ل روژئاڤایێ كوردستانێ د زێدا بوونێ دە بەردەوامە

ارك نسوز... نەخوەشیا ڤێروسا كورونا ل روژئاڤایێ كوردستانێ د زێدا بوونێ دە بەردەوامە ورۆژانە ب دەهێن حالەتان ل سەرەنسەری باژار وباژارۆكێن رۆژئاڤایێ كوردستانێ تێنە تۆماركرن.

ل گۆری كو دەستەیا تەندرۆستیا سەر ب پەیەد ئیرۆ دو شەمێ بەلاڤكریە كو د دەما 24 دەمژمێرێن بووری دە 18 حالەتێن نوو هاتنە تۆماركرن ,

9 ل قامشلۆ،3 ل كۆبانێ،1 ل كركێ لكێ،2 ل پارزگەها دێرە زورێ و1 یەك ل پارزگەها رقایێ..

ب ڤی شێوای ژمارەیا گشتی یا پێكەتیێن ڤێروسا كۆرۆنا گهشتیە 119 حالەتان ژ وان 10 كەس ژ كۆرۆنایێ باش بوونە و5 كەسان ژی ل دەڤەرێن ژێر كۆنترۆلا پەیەدێ دە ژیانا خوە ژ دەست دانە..


وژ ئالیێ خوەڤە ئارك رۆژانە دۆسەیا تووشبوویێن ب ڤایرۆسا كۆرۆنا د شۆپینە، ول گۆری زانیاریێن تایبەت یێن ب دەستێ ئاركێ گەهشتنە كو ب دەهێن حالاتان ل گوندێ شێرانێ و شێقەمەرێ ێێ تووشی ڤایرۆسا كۆرۆنا بونا و گۆمانە كو ژمارێە تووشبووێان راست تەقینە ژ ژمارەیێن تێنە راگهاندن بیهتر بە.

تێ زانین كو ب تەنێ شەش ئالاڤێن بزیشكی ل رۆژ ئاڤایێ كوردستانێ هەنە ێێن كو ژ ئالیێ سەرۆكێ هەرێما كوردستانێ نێجرڤان بارزانێ واكە ئالیكاری ژ خەلكێ رۆژئاڤایێ كوردستانێ رە پێشكێشكربوون

ڤایرۆسا كۆرۆنا ژ دەستپیكا سالا 2020 ان ڤە ل باژارێ ووهان یێ صینی دەركەت ول تەڤایا وەلاتێن جیهانێ بەلاڤبوویە وهەتا وەكە ئیرۆ بهترە ژ 19 مەلیۆن كەس ل جیهانێ تووشی ڤایرۆسا كۆرۆنا بوونە, وبهتر 12 مەلیۆن كەس ژ كۆرۆنا باشبوونە , وبهتر ژ 700 هەزار كەس ب سەدەما ڤایرۆسا كۆرۆنا جانێ خوە ژ دەستدانە.

431