یاسایا پەیەدە یا پاراستنا مال وملكێ غائب بوویە جهێ نەرازیبوونا خەلكێ
آرك نيوز....پەیەدە د سیاسەتێن دۆرپێچكرنا وەلاتیێن رۆژئاڤایێ كوردستانێ دە بەردەوامە , وداوین بریار ژ بۆ بەردەوامبوونا سیاسەتا دۆرپێچكرنێ , یاسایا پاراستنا مال وملكێ كەسێ نەحازر ئانگۆ غائب دەركریە.
یاسایا پەیەدە ژ ژمارەیەك مادە وبەند پێك تێ ,وتێدە ماف ددێ خوە كو دەستكاریێ د مال وملكێن خەلكێ دە بكە , وخوە بكە برێكارێ مال وملكێ كەسێ نەحازر , وژ بۆ بەرژەوەندیێن خوە ب كاربینە .
هەروەها یاسایا پەیەدە دبێژە ئەگەر د دەما سالەكێ دە كەسێ نەحازر ویان ژی كەس وكارێن وی یێن پلە یەك وپلە دۆ نە ئامادەبن , بەشەك ژ مال وملكێ كەسێ نەحازر وێ وەرە ژ دەستدان كو دكە بیست وپێنج ل سەر سەد ژ مال وملك , كو هەتا وەكە نها د تەڤایا یاسایێن جیهانێ دە تو یاسایەكە ب ڤی رەنگی نینە.
لگۆری سایا پەیەدە ژ مافێ كۆمیتەیا دووڤچوونێ یە كو مال وملكێ غائب ب كرێ بدە , ووەبەرهێنان بكە وداهات بكەڤنە خزمەتا گەشەپێدانا جڤاكی دە , وئەركە ل سەر كۆمیتەیێ كاروبارێ مال وملكێ غائب ب رێڤە ببە .
ئەڤ یاسایا پەیەدە گەلەك دەنگ ڤەدان دروست كر وتەڤایا رەوشەنبیر , یاسا ناس ومافپەروەر وخەلكێ ئاسایی ئەڤ یاسا رەتكرن , وب شەرعیەتكرنا دزیا مال وملكێ خەلكێ ب ناڤكرن.
ول تۆرێن جڤاكی گەلێ كورد یێ رۆژئاڤایێ كوردستانێ بەلاڤكرن كو پەیەدە رێگریێ ل پێشیا ڤەگەرا كوردێن رۆژئاڤایێ كوردستانێ دكە , وناهێلە ئەو رۆژەكێ ژ رۆژان ڤەگەرنە سەر زێدێن خوە , وكەسێن نەحازر نەچار دكە كو مال وملكێن خوە ب ئارزانی ڤەشێرن.
306