داوین پێشهاتەێن دانوستاندێن كوردی-كوردی

آرك نيوز...قوناغا دوێ یا دانوستاندنان ناڤبەرا ئەنجوومەنا نشتیمانیا كورد ل سووریێ بەریا دەمەكێ دەستپێكر , لێ هینا كریارێن نەمرۆڤانە ژ ئالیێ پەیەدەڤە هەڤدەم ل گەل بەردەوامبوونا دانوستاندنان بەردەوامن , بەلكوو زێدەبوونە.

سلێمان ئۆسۆ ئەندامێ دەستەیا سەرۆكاتیا ئەنجوومەنا نشتیمانیا كورد ل سووریێ گۆتبوو كو ئەمریكا وپەیەدە ئەرێكرنا دەستپێكی ل سەر ڤەگەرا لەشكەرێ رۆژ بۆ رۆژئاڤایێ كوردستانێ دانەخویاكرن , لێ هەتا وەكە نها مژارا ڤەگەرا لەشكەرێ رۆژ ب تو ئاوایەكی نەهاتیە گۆتووبێژكرن.

هەڤدەمێ ئەنجامدانا جڤینان ناڤبەرا ئەنجوومەنا نشتیمانیا كورد ل سووریێ , وپارتیێن یەكیتیا نشتیمانی كوردی , رێڤەبەریا پەیەدە د كریارێن رەڤاندنا زارۆكان , گرتنا لاوان بۆ لەشكەریا نەچار , ودۆرپێچكرنا دبستانێن تایبەت ب درەبدەرێن سەرێ كانیێ بەردەوامە , وب هەموو شێوەیەكی فشارێ ل دەربدەران دكە كو دبستانان بجی بهێلن بێ كو جهەكی ڤەحەوانێ ژ وان رە دابین بكە.

فێصەل یوسف ئەندامێ دەستەیا سەرۆكاتیا ئەنجوومەنا نشتیمانیا كورد ل سووریێ بۆ ئاركێ راگەهاندبوو كو نها گۆتووبێژی دەربارێ چاوەنیا رێڤەبرنا هەڤبەش بۆ دەڤەرێ بەردەوامن , وهینا نەگهشتنە تو رێكەفتنەكێ وب تەنێ ئەوێ هەیە گۆتووبێژكرنە د دەما نهادە , ومژارا ڤەگەرا لەشكەرێ وێ بۆ گەرا سیێ یا دانوستاندان بمینە , بێ كو دەمێ ب داوی هاتنا گەرا دوێ دەستنیشان بكە.

وژئالیێ خوەڤە محمد اسماعیل ئەندامێ دەستەیا سەرۆكانیا ئەنجوومەنا نشتیمانیا كوردی ل سووریێ ژ ئاركێ رە گۆت كو هەول ژ بۆ گەهشتن ب خالێن هەڤبەش ناڤبەرا هەردو ئالیێن دانوستاندنان دكن بەردەوامن , وهەردو ئالی ل سەر هندەك خال یەك نەرینن .

نەواف رەشید ئەندامێ نوونەراتیا هەرێما كوردستانێ یا ئەنجوومەنا نشتیمانیا كورد ل سووریێ د چارچۆڤەیا بەشداریێ د بەرناما جڤات دە راگەهاند كو سیاسەتێن رەڤاندن , گرتن , وبرچیكرنا خەلكێ رۆژئاڤایێ كوردستانی ژ ئالیێ پەیەدەڤە جهێ شەرمەزاریێە , وپێویستە چارەسەریەك ژ ڤان رەوشان رە وەرە دیتن .

هەروەها رەشید تەكەز كر كو ئەگەر ئەڤ سیاسەت بەردەوام ببن , تو واتەیەك ژ دانوستاندنێن كوردی كوردی رە نینە , وئەگەر هەیە ببنە سەدەم ژ بۆ راوەستاندنا دانوستاندنان.

278