پرۆژیاسایا پەیەدە یا تایبەت ب مال وملكێ غائب

آرك نيوز...ئەنجوومەنێ گشتی یێ پەیەدە پرۆژەیاسایەك دەربارێ مال وملكێ كەسێن كو ژ دەرڤەیی رۆژئاڤیێ كوردستانێ ژیان دكن دەرخست , كو تێدە ماف ددە خوە دەستكاریێ د مال وملكێن خەلكێ دە بكە.

ل گۆری كو د پرۆژەیاسایێ دە هاتیە " غائب " ئەو كەسە كو هلگرێ رەگەزنامەیا سووریە وئەو كەسێن كو مەكتوم القید ویان ژی یێن كو رەگەزنامەیا سووری ژ وان هاتیە ستاندن د سەرژمێریا ئاوارتە یا سالا 1962 , ول دەرڤەیی سووریێ ژیان دكن وتو كەسەك ژ كەس وكارێن وی یێن پلە یەك وپلە دۆ ل سووریێ نینن .

هەروەها پرۆژەیاسایا پەیەدە تەڤایا مال وملكێن غائب ل خوە دگرە یێن مەنقول وغیر مەنقول , ووەكە كو پەیەدە دبێژە كۆمیتەیەك ژ 11 كەسان ژ بۆ پاراستن ونووكرنا مال وملكێ غائب وێ وەرە پێكئانین ودو كەس وێ سەرپەرشتیا كۆمیتەیێ بكن ووێ ببنە برێكارێ غائب د مال وملكێ وی دە وب تەنێ نكارن كرین وفرۆتنێ ب مالك وملك بكن.

بریارا پەیەدە مال وملكێ تەڤایا وان كەسان لخوە دگرە كو ژ دەرڤەیی خاكا سووریێ ژیان دكن , وتەڤایا گرێبەستێن دەربارێ مال وملكێ غائب دە هاتنە كرن دەمكینە , ود دەما سێ مەهان كۆمیتەیا كو هاتی پێكئانین وێ دووڤچوون وشۆپاندنێ د گرێبەستان ومولكیەتێ دە بكە.

هەروها پەیەدە دبێژە دەما كو كۆمیتەیێ بریارەك ستاند ژ مافێ غائب ویان ژی یێ كو زیان پێ گەهشتیە د دەما 30 رۆژی دە اعترادێ پێشكێش بكە , وكۆمیتە وێ د دەما حەفتیەكێ دە لێكۆلین وخوەندنێ د اعترادێ بكە , وهەر بریارەك ژ كۆمیتەیێ وەرە ستاندن جهێ هلوەشاندنیێ ل پێشیا دیوانا دادوەریا جڤاكی و ب تایبەتی ئەو بریارا كو ل سەر پەرەیان كێشە دروست دبن وئەوژی د دەما 15 رۆژان دە ژ ستاندنا بریارێ ودەركەتنا وێ.

هەروەها لگۆری پرۆژەیاسایا پەیەدە ژ مافێ كۆمیتەیێ یە كو مال وملكێ غائب ب كرێ بدە , ووەبەرهێنان بكە وداهات بكەڤنە خزمەتا گەشەپێدانا جڤاكی دە , وئەركە ل سەر كۆمیتەیێ كاروبارێ مال وملكێ غائب ب رێڤە ببە , ودەما غائب ویان ژی كەس وكارێن وی یێن پلە یەك وپلە دۆ ڤەگەریان , مال وملك وێ ڤەگەرنە بۆ خوەدانێ خوە .

و د مادەیا دۆزدەهان دە پەیەدە دبێژە ئەگەر غائب وكەس وكارێن وی نەڤەگەریان بۆ دەما یەك سالێ , خوەدانێ ملك ربەك ژ مالك وملكێن خوە ژ دەست ددە , وئەو مال وملك ژ دەست هاتی دان ب بریارا ئەنجوومەنا گشتی ویا جێبجیكار وێ ڤەگەرن بۆ خوەدانێ خوە .

وهەر كەسەك بەروڤاژیێ ڤێ یاسایێ مال وملكێ غائب بدە كرێ ویان وەبەرهێنانێ تێدە بكە وی دەمی وێ وەرە سزادان وسزازی ئەوە غەرامەیا پێنج مەلیۆن وزیندانكرن بۆ دەما یەك سالێ


ودەربارێ مال وملكێ غائب یێ ئاشووری وسریانیان كۆمیتەیەك ژ وان وێ وەرە ئاڤاكرن ول گۆری ڤێ بریارێ وێ دەستێوەردانێ د مال وملكێ غائب دە بكە.

ل گۆری پرۆژەبریارا پەیەدە تەڤایا بریار وگەشتاندن ورسومات یێن بەروڤاژیێ ڤێ یاسایێ وێ وەرنە هلوەشاندن وئەڤ پرۆژەیاسا ژ رۆژا دەركەتنێ , كار وێ پێ وەرە كرن.

282