نەتەوێن یكگرتی داخوازا سەربەستبەردانا گرتیان ژ رێژیم و ئالیێن ناكوكدار لسوریێ دكە
ارك نیوز .. نەتەوێن یكگرتی داخوازا سەربەستبەردانا هەموو گرتی و بنچاڤكریان ژ رێژیما ئەسەد و ئالیێن ناكوكدار لسوریێ دكە .
گێر بێدرسۆن شاندەیی ناڤدەولتی یێ تایبەت بۆ سوریێ دۆه سیشەمێ د كۆنگرا برۆكسلێ یا چارەم دەربارێ رەوشا سوریێ و پشتگریا پێشەرۆژا وی وەلاتی و ناڤچەیێ دە داخواز ژ رێژیما ئەسەد و تەڤایا ئالیێن ناكوكدار لسوریێ كر كو د زوترین دەم دە هەموو گرتی و بنچاڤكری یێن د زندانێن وان دە وەرنە ئازادكرن .
هەروەها بێدرسون دل رەحەتیا خوە ژ رێكەفتنا ئاگربەستا راوەستاندنا شەر ل ئدلبێ نیشان دا وهێڤی خوەست كو شەر ل تەڤایا سوریێ و بتایبەتی ل ئدلبێ وەرە راوەستاندن و كریزا سوریێ د زوترین دەم دە بداوی وەرە .
بێدروسون دا زانین ژی كو ئەگەرەك مەزن هەیە كو كۆمیتەیا دستورا سوریێ یا پێشەرۆژێ د رۆژێن بێ دە دەست ب دانوستاندێن خوە حەتا داویا ڤێ سالێ بكە .
362
