گۆنگری برۆكسل دەربارێ سوریێ حەفتیا بێ تێ ئەنجامدان
ارك نيوز .. دیالۆكا كونگرێ برۆكسل یێ چاران ژبۆ پشتەڤانیا وەلاتێ سورێی و دەڤەرێ ب ئامادەبوونا چڤاكا سڤیل و رێخستنێن نە حكومی ویێن ناڤدەولتی و یكیتیا ئۆرپا و نەتەوێن یكگرتی هەروەها هەژمارەك وەلاتێن كو پیشوازی ل پەنابەرێن سوری كرنە دۆه دووسەمێ دەستپێكر و ژبۆ دەما دوو رۆژان درێژ دكە.
یكیتیا ئەورپایێ لسەر مالپەرا خوە یا فەرمی بەلاڤ كر كو بریارە جڤینا وەزاری یا كۆنگرێ برۆكسل یێ چاران بریێا ڤیدیۆیێ د سیێ ڤێ مەهێ وەرە ئەنجامدان ژبۆ گەنگەشەكرنا رەوشا پەنابەران و دیتنا چارەسەریەكی ژ ڤێ پرسێ رە هەروەها دیتنا چارەسەریەك سیاسی ژ كریزا سوریێ بگشتی رە .
لگۆری كو ئەنجومەنا یكیتیا ئەورۆپایێ دایە خویاكرن كو بەریا بەلاڤبوونا نەخوەشیا كۆرۆنایێ ل جیهانێ رەوشا تەڤایا پەنابەرێن سوری یێن كو ل وەلاتێن جیران دمینن خرابوو ، لێ پشتی بەلاڤبوونا ڤیروسا كۆرۆنا ئیدی رەوشا وان خرابتر بوویە و نها د خرابترین رەوش دە دەرباس دبن وگۆت كۆنگری برۆكسل یێ چارێ ژبۆ پشتەڤانیا سوریێ و دەڤەرێ وێ دەرفەتەك بە ژ جڤاندنا تەڤایا ئالیێن پەیوەندیدار دەرباری پرسا پەنابەران ژبۆ دیتنا چارەسەریەكی ژ پەنابەران رە و ئالیكاربە ب نەتەوێن یكگرتی رە ژبۆ دیتنا چارەسەریەك سیاسی ژ كریزا سوریی رە كو د زوترین دەم دە بداوی ببە ، گۆت ژی ئەڤ كۆنگر دەرفەتەكە ژی ژبۆ پێشكیشكرنا ئالیكاریین دارایی ژ وەلاتی سوریی و وەلاتێن جیران بیرە بتایبەت یێن كو پێشوزای ل پەنابەران كریە بۆ دەما چەند سالان سەرباری كوویركرنا دیالۆكێ ب چڤاكا سڤیل رە ژی.
د ڤێ دەرباری دە نوونەرێ بلند یێ كاروبارین دەرڤە وسیاسەتا ئەولەهی هەروەها جیگرێ سەرۆكێ كۆمسیۆنێ جوزیب بوریل فۆنتیلێس گۆت كو یا هەری گرنك و كارێ كو پێویستە وەرە كرن د ڤێ دەما هەستیار دە ئەوە پێشكیشكرنا ئالیكارێێن مرۆڤی ژ گەلی سوریی رە و كار ژبۆ راوەستاندنا شەرە ل تەڤایا سوریێ و دیتنا چارەسەریەك سیاسی ژبۆ بداویئانیا ڤێ كریزێ و ڤەگەرا ئەولەهی و ئارامی و جیگریێ لتەڤایاسوریێ .
ژ ئالیێ خوەڤە ژی ئۆلیڤر فارلی كۆمسیارێ یكیتیا ئۆرپا ژبۆدانوستاندان راگهاند كو وەلاتێ سورێی د رەوشەكە نە جیگر دەیە ژبەر ڤی یەكی پێویستا پەنابەران ب ئالیكاریان هەیە بتایبەتی د سەردەما كۆرۆنایێ دە .
283