تەڤگەرا جوانان ل سوێدایێ داخویانیەك بەلاڤ كر
ارك نیوز .. تەڤگەرا جوانان لباژارێ سوێدایێ هێزێن رێژیما ئەسەد و ئالیگرێن وێ ب ئێریشكرنا خوەنیشاندانێن ئاشتیانە یێن كو لباژارێ سوێدایی لدژی رێژیما ئەسەد تێنە ئەنجام دان تۆمەتبار دكە و دڤێ دەربارێ دە داخویانیەك بەلاڤ كر.
د داخویانیا تەڤگەرا جوانان لباژارێ سوێدایێ هاتیە كو وان دەم وجهێ خوەنیشاندانێن خوە یێن لدژی ریژیما ئەسەد دەستنیشان كرنە و خوەنیشاندانێن ئاشتیانە ل قاد و كۆلانێن سوێدایێ ب ئەشكەرە و پێشیا چاڤێ دوونیایێ لداردخن لێ رێژیما ئەسەد ب نەهینی داخوازێ ژ ئالیگرێن خوە دكە كو مەشێن پشتگر د هەمان دەم و جهێن كو خوەنیشاندانێن لدژی رێژیمێ تێنە ئەنجام دان بكن ئەوژی ب ئارمانجا رووبروبون و بكارئانیا توندوتوژیا ب مەبەست لدژی خوەنیشاندەران .
هەمان داخویانیێ تەكەزی لسەر بەردەوامیا خوەنیشاندانێن ئاشتیانە كر و داخواز ژ خەلك و رووسپین دەڤەرێ كرن كو پشتەڤانیا خوەنیشاندانان بكن و جوانێن خوە یێن كو داخوازا مافێن خوە دكن بپارێزن .
582
