توركیێ : ناكوكی ناڤبەرا مە و روسیێ دە نینە ، وتو گرێدانا ئدلبێ ب پاشخستنا جڤینا ئەنقەرێ تونەیە
ارك نیوز .. دۆه وەزیرێ دەرڤە یێ ئیرانێ ب سەرەدانەكە فەرمی گهشت وەلاتێ توركیێ ژبۆ گەنگەشەكرنا هەردوو دۆسەیێن سوریێ ولیبیایێ لگەل بەرپرسین توركیێ .
ئیرۆ دووشەمێ مولود چاویش ئۆغلۆ وەزیرێ دەرڤە یی توركیێ و محمد جەواد زەریف وەزیرێ دەرڤە یی ئیرانێ ل ئستەنبوولێ جڤینەك ئەنجام دان وتێدە هەژمارەك مژار تێدە دۆسەیا سوریێ و هەردوو دۆسەیێن لیبیایێ ویەمەنێ و هن مژارێن دن گۆتوبێژكرن ، پشتی بداوی هاتنا جڤینا ناڤبەرا وەزیران هەردوو وەلاتان دە كونگرەك رۆژنەمەڤانی هەڤبەش هاتە ئەنجام دان .
د وی كونگری هەڤبەش دە ناڤبەرا ئۆغلۆ و هەڤشانێ وی زەریف دە ، وەزیرێ دەرڤە یێ توركیێ راگهاند كو د جینا وان دە هەژمارەك پرس هاتن گۆتوبێژكرن د سەری دە دۆسەیا سوریێ و داوین پێشهاتەیێن كو لسەر عەردێ تێنە روودان سەرباری هەردوو پرسێن لیبیا و یەمەنێ .
دەرباری پاشخستنا سەرەدانا هەردوو وەزیرێن دەرڤە ویێ بەرەڤانیا روسیا بۆ توركیێ كو بریاربوو دۆه یەكشەمێ گهشتبانا ئەنقەرا پایتەختا توركیێ ژبۆ گەنگەشەكرنا داوین پیشهاتەیێن رەوشا سوریێ ئۆغلو د ڤێ دەربارێ دە تەكەز كر وگۆت كو توو گرێدانا پاشخستنا هەردوو وەزیرێن روسی بۆ توركیی ب دۆسەیا ئدلبێ و داوین پێشهاتەیێن وی باژارێ ڤە توونەیە وگۆت توو ناكوكی و گرژی ناڤبەرا توركیێ و روسیی دە نینە و هەردوو ئالی د پەیوەندیێن خوە دە بەردەوامن وگۆت كو ب ریێا پەیوەندیەكە تەلیفۆنی سەرەدانا لاڤرۆف و سویگۆ هەردوو وەزیرێن دەرڤە و یی بەرەڤانیا روسیا هاتە پاشخستن بۆ دەمەكە نە دیار .
ژ ئالیێ خوەڤە ژی وەزارەتا دەرڤە یا روسیا د داخویانیەكێ دە ئەشكەرە كر كو كو سەرەدانا هەردوو وەزیرێن روسیا بۆ توركیێ هاتە پاشخستن بۆ دەمەكە نەدیار بێ كو سەدەما پاشخستنێ بدە دیاركرن وگۆت بریاربوو د وێ سەرەدانێ دە رەوشا سوریێ بگشتی و داوین پیشهاتەیین ئدلبێ ناڤبەرا هەردوو ئالیان دە هاتبا گۆتوبیژكرن لێ ئەو سەرەدان هات پاشخستن .
گرێدایی ڤێ مژارێ رۆژنامەیا شەرق الاوست لسەر زارێن دبلوماسی ڤەگوهەست كو كو سەرێ سبەها یەكشەمێ پێیوەندیێن بەردەوام ناڤبەرا بالیوزخانەیێن روسیا و توركیێ دە هاتن ئەنجامدان ژبۆ ئەنجامدانا جڤینا ناڤبەرا بەرپرسێن روسی و توركی ل ئەنقەرێ د دەماخوە یا دەستنیشانكری هەروەها لگۆری هەمان ژێدەران كو د پلانا توركیی دەبوو ژی كو لۆتكەیەك سێ ئالی ناڤبەرا روسیا و توركیێ وروسیا دەربارێ سوریێ ل ئەنقەرێ پایتەختا توركیێ ب ئامەدەبوونا وەزیرێ دەرڤە یێ ئیرانێ محمد جەواد زەریف هاتبا ئەنجامدان .
لسەر لدارخستنا لۆتكەیەك سی ئالی دەرباری سوریێ ناڤبەرا هەرسی وەلاتێن گەرەنتۆر دە ئیرۆ دوسەمێ بەردەڤكێ وەزارتا دەرڤە یا ئیرانی سید عباس موسەوی د كۆنگرەكی رۆژنامەڤانی دە راگهاند كو د دەمەكە نێزیك دە وێ لۆتكەیەك سێ ئالی ناڤبەرا روسیا و توركیێ وئیران دە دەرباری رەوشا سوریێ وێ وەرە ئەنجامدان لێ تا نها نە وەزارتا دەرڤە یا توركیێ و نە ژی وەزارەتا دەرڤە یا روسیا توو داخویانیەك دەرباری ئەنجامدانا ڤێ لۆتەكیێ بەلاڤ نەكریە .
370
