ترامپ بەحسا ڤەكشانا هێزێن ئەمریكی ژ وەلاتێن شەر لێ هەیە دكە

ارك نيوز .. جارەكە دن سەرۆكێ ئەمریكا بەحسا ڤەكشانا سەربازێن ئەمریكی ژ تەڤایا وەلاتێن جیهانێ یێن كو شەر لێ هەیە كر وگۆت كو ئەركێ هێزێن ئەمریكی بەرەڤانیكرن د بەر ئەمریكا دە نەك شەركرنە ل وەلاتێن هەری دوور ژ ئەمریكا .

دۆنالد ترامپ سەرۆكێ ئەمریكا ل ئەكادیمیەكە ئەمریكی یا لەشكەری گوتارەك ژ بۆ هەزار سەربازی پێشكێشكر وتێدە تەكەز كر كو ئەركێ وان وێ بەرەڤانیكرن بە دبەر ئەمریكا دە نەك شەركرن ل هندەك وەلات كو شەر تێدە ب داوی نایێ .

سەرۆكێ ئەمریكا گۆتژی كو هێزێ ئەمریكی ل هندەك وەلات شەر دكن , وتو ئاماژەیەك نینە كو شەر وێ ل وان وەلاتان ب داوی وەرە , لەوما ئەمریكا وێ سەردەمێ جەنگێ یێ كو ب داوی نایێ , ب داوی بینە "

ئەڤ گۆتنا دۆنالد ترامپ سەرۆكێ ئەمریكا د دەمەكی دە تێ كو بەریا دەمەكی ( 9500 ) سەربازێن ئەمریكی ژ ئەلمانیا ڤەكشاندن , ودوبارە ل وەلاتێ بۆلەندا بەلاڤكرن, وهەروەها گوتارا وی یا بەحسا ب داوی ئانینا شەر ل وەلاتێن هەری دوور ژ ئەمریكا د دەمەكی دە تێ كو خوەنیشاندان ل ئەمریكا هەنە , وبەحسا ب كارئانینا هێز ژ بۆ نەهشتنا خوەنیشاندان تێ كرن .

سەرۆكێ ئەمریكا بریارا ڤەكشانا هێزێن ئەمریكی ژ سووریێ ستاند , لێ پشترە بریارا خوە گوهارت وگۆت كو ئەمریكا وێ بیرێن پەترۆلێ بپارێزن , وب ڤێ سیاسەتێ گەلەك وەلات نەچاركرن كو پەرەیان بدنە ئەمریكا داكو ئەمریكا هێزێن خوە ژ وان وەلاتان ڤەنەكشینە.

بەریا چەند رۆژان ژی كینیس ماكێنزی فەرماندارێ هێزێن ئەمریكی ل رۆژهلاتا ناڤین بەحسا ڤەكشانا هێزێن ئەمریكی ژ سووریێ كر وگۆت هەر ڤەكشانەك ژ هێزێن ئەمریكی وێ ب بریارەكە سیاسی بە .

كینیس ماكێنزی فەرماندارێ هێزێن ئەمریكی ل رۆژهلاتا ناڤین راگەهاند كو هێزێن ئەمریكی د ئەركێ رووبرووبوونا داعشێ دە ل سووریێ بەردەوامن , وئەگەر هێزێن ئەمریكی ژ سووریێ ڤەكشن , پرۆسەیا ڤەكشانێ وێ ب بریارەكە سیاسی بە , وئەوێن پابەندێ بریارێ بن .

ماكێنزی تەكەز كر وگۆت ئەگەر رژێما ئەسەد هەول بدە ئێریشی باكوورێ رۆژهلاتێ سووریێ بكە , هێزێن ئەمریكی وێ د زووترین دەم دە بەرسڤێ بدن.

269