زارۆكێن ئدلبێ د مهترسیێ ده نه
آرك نيوز .. رێخستنا یونیسێڤ یا نهتهوێن یهكگرتی هوشیاریا گهاندنا مهترسییێ بۆ ملیۆنهك زارۆكێن سووریێ ل پارێزگهها ئدلبێ دا وب تایبهت پشتی ئامادهكاری ودهسپێكرنا بۆمبهبارن وتۆبباران ژ ئالیێ رێژیما سووریێ و هێزێن رووسیێ ل سهر پارێزگههێ .
رێڤهبهرێ رێخستنێ د رۆژههلاتا ناڤین ده خهیرت كابالاری د داخویانییهكێ ده تهكهز كر كو زارۆكێن ل پارێزگهها ئدلبێ ده كو ملیۆنهك زارۆكن د مهترسییێ ده نه و بتهنێ د چارچۆڤهیا سێ رۆژێن بووری ده 28 زارۆك ل یدلبێ و رۆژههلاتا حهلهبێ ژیانا خوه ژ دهست دانه و د ناڤ قووربانییان ده ههفت كهس ژ یهك مالباتێ ژی ههبوون.
كالاباری ههروهها دا زانین كوس ێ ناڤهندێن تهندروستی كو ژئالیێ رێخستنا یونیسێڤ یا كارووبارێن زارۆكان دهاته پشتگریكرن ب سهدهما گهاندنا زیانێ بوو وان ناڤهندان ژ كار هاتن دوورخستن كو دوو ناڤهند ئالیكاری ژ ژن وزارۆكان ره پێشكێش دكر .
ژ ئالیێ خوهڤه ههڤپهیمانییا نشتیمانی یا ئۆپۆزسیونا سووریێ راگهاند كو ههر یهك ژ رێژیم و رووسیێ تاوانێن جهنگی د دهرحهقێ سڤیلان ده ل ئیدلبێ پێكتینه كو پرانیا ئارمانجكرنا وان هێزان ژ ئاڤاهی وناڤهندێن وهلاتییانه.
ژ بهر گور بوونا ئێریشان سهر ئدلبێ هژمارهك مهزن ژ خهلكێ سڤیل بوو قوربانی وژیانا خوه ژ دهست وگهلهك بریندار كهتن و ب ههزارهان دهربدهر بوون وكوچبهربوون.
د راپۆرتا نهتهوێن یهكگرتی ده هاتیه خویاكرن كو نشتهجیین ئیدلبێ نهها دهردوۆرا 4 مولیۆن كهسن ول گۆر ژێدهرێن خوهجهی كو 800 ههزار د ناڤ كامپان ده دژین .
ههڤپهیمانییا نشتیمانی یا ئۆپۆزسیونا سووریێ بانگ ل جڤاكا ناڤدهولتی كر كو رێكارێن پێویست ژبۆ راوهستاندا ئیریشان سهر ئیدلبێ.
ش.ع
816
