(ڤیدیۆ)... چه‌كدار ژ عه‌فرینێ ده‌ردكه‌ڤن
آرك نيوز... ده‌ركه‌تنا چه‌كداران ژ عه‌فرینا رۆژئاڤایێ كوردستانێ به‌رده‌وامه وهژماره‌ك دن ژ گرووپێن چه‌كدار ب ئوتۆمبێل و چه‌كێن خوه ژ هه‌رێمێ ده‌ركه‌تن, و به‌رێ خوه دان هه‌رێمێن شه‌ر تێده روو ددن.
ل گۆر په‌رچه ڤیدیۆیه‌كێ ده, به‌ریا دوو رۆژان چه‌كداران ل سه‌ر رووپه‌لێن خوه به‌لاڤ كر, تێده دیار دبه كو گرووپێن چه‌كدار ژ گوندێ كه‌فرسه‌فرێ یێ ناڤچه‌یا جندرێسێ به‌ره‌ڤ حه‌له‌بێ و ئدلبێ ڤه دچن.
د هه‌مان په‌رچه‌یێ ده تێ خویاكرن كو چه‌كدارێن سمرقند یێن ده‌ستێ خوه دانینه سه‌ر گوندێ كه‌فرسه‌فرێ ب چه‌ك و ته‌قه‌مه‌نیێ خوه ژ گوند ده‌ردكه‌ڤن و به‌رێ خوه ددن ئه‌نیێن شه‌ر نه‌خاسم ده‌ردۆرا حه‌له‌بێ و ئدلبێ
ژ ئالیێ خوه ڤه ژێده‌رێن خوه‌جهی ژ عە‌فرینێ ژ ئاركێ ره ته‌كه‌زكرن كو به‌ریا نها ژی هژماره‌ك كاروانێن له‌شكه‌ری ژ عه‌فرینێ ده‌كه‌تبوون وبه‌رێ خوه دابوون إدلب و حه‌له‌بێ ورۆژهلاتا فراتێ.
هه‌مان ژێده‌ران بال كشاند سه‌ر وێ یه‌كێ ژی كو نها چه‌ند گوند ب ته‌مامی ژ چه‌كداران ڤالا بوونه.. ده‌ربارێ سه‌ده‌مان ژێده‌رێ دا زانین كو شێنێن هه‌رێمێ دبێژن كو مه‌ترسییه‌ك بهێز كه‌تیه ناڤ دلێ چه‌كداران ده ژ به‌ر كو گۆته‌گۆت هه‌نه كو رووسیا دێ جاره‌كه دن ڤه‌گه‌ره بنگه‌هێن خوه ل عه‌فرینێ
لێ هن ئالی ده‌ركه‌تنا چه‌كداران ژبۆ هاوارچوونا ئدلبێ ددن زانین.
هه‌ر د ڤێ ده‌ربارێ ده چالاكڤان ل سه‌ر تۆرین چڤاكی به‌لاڤ كرن كو لڤ وته‌ڤگه‌ره‌ك بهێز یا چه‌كداران ل ناڤچه‌یا جندرێسێ هه‌یه وچه‌كدار ب مالباتێن خوه ڤه هه‌ول ددن به‌رێ خوه بدن توركیێ.
ش.ع
581
