پەدەكەسێ: سهركهفتنا پارتی واتهیا سهركهفتنا رێفراندۆما كوردستانێ و تهڤایا كوردانە
آرك نيوز... ب ههلكهفتا سهركهفتنا پارتیا دیمۆقراتی كوردستان د هلبژارتنێن پهرلهمانا عیراقێ ده, كۆمیتا ناڤهندی یا پارتیا دهمۆقراتا كوردستان – سووریا دوه 12ێ جۆتمهها 2021ێ نامهیهك پیرۆزباهیێ ئاراستی سهرۆك مسعود بارزانی و پەدەكێ كر.
پەدەكەسێ د نامهیا خوه ده گۆتیه: جهێ دلخوهشی و كێفخوشیێ یه كو ئەم د كۆمیتا ناڤهندی یا پارتیا دهمۆقراتا كوردستان – سووریا ده, ب ههلكهفتا سهركهفتنا وه یا مهزن د هلبژارتنێن عیراقی ده, د رێیا جهنابێ وه ره, پیرۆزباهیێن گهرم ئاراستی ههموو, ئەندام, ئالیگر و جهماوهرێ پارتیا وه یا برا بكن, كو پلهیا یهكهمین ل سهر ئاستا كوردستانێ ب دهست خوه ڤه خست, و ژ بهرێ بێتر دانشتهك (كورسی) ئانین, ئەڤ یهك تهكهزیهكه كو رۆژ ب رۆژ جهماوهرێ پارتیا وه یا دێرین د تهكۆشینێ ده زێده دبه, و ئەركە ل سهر ملێ خوه دبینه كو هلگرێ ئالا نهتهوی یا كوردی یه, و باوهرپێكریێ ل سهر رۆلا دیرۆكی یا كهڤنە, و باشترین نوونهر و درێژپێدهرێ پرهنسیپێن سهرۆكێ دامهزرینهرێ باڤێ نهمر مهلا موستهفا بارزانی یه.
د نامهیێ ده هاتیه: سهرۆكێ رێزدار... برایێن برێز: پارتیا كوردستانی ب ڤینهكه مهزن د هلبژارتنان ده بهشدار كر, ههموو كادرێن پارتی د پرۆسهیا هلبژارتنان ده ئامهده بوون, و چاڤێن وان ل سهركهفتنا ب ههژمارهك مهزن ژ كورسیان بوو, ژ بهر كو سهركهفتنا نوونهرێن پارتی ل بهغدایێ واته سهركهفتنا تهڤایا كوردانە و سهركهفتن و بهێزبوونا ههلوێستا كوردی د دهربارێ چهندین دۆزێن چارهنڤیسی نه كو تا نها ناڤبهرا ههولێر و بهغدایێ ده نههاتنه چارهسهركرن وهكه گهلهك دۆزێن گرینگ يێن گرێدایی ب ههبوونا كوردان و پێشهرۆژا ههرێما كوردستانێ نه, ههروهها هن مژار و بابهتێن د وارێ بژێوا شێنیێن ههرێما كوردستانێ ده نه.
پەدەكەسێ راگهاندیه: ئەم د وێ باوهریێ ده نه كو بهێزبوونا پارتی د پهرلهمانا عیراقی ده, واته روومهتا كوردستانیان دێ پاراستی به, و رێزگرتن ژ كهسایهتیا كوردی ره دێ ژ كارێن پێشین یێن پارتی به, ئەڤ سهركهفتن دێ بهێله كو ببه ئالیهكه گرینگ د دامهزراندنا هكوومهتا عیراقی یا بێ ده, ئەم د وێ باوهریێ ده نه كو ئەنجاما سهركهفتنێ ژ دێرینیا دیرۆكا پارتیا وه, ژ دامهزراندنێ تا ب 7 سهدسالیا خهبات و تهكۆشینێ هاتیه. سهرۆكێ رێزدار... برایێن هێژا: ئهنجامێن كو ئەم ههموو كێفخوهش كرنه, بهێزبوونا ڤینا سهركردایهتیا پارتی, ئەندام و جهمهوارێ دلسۆز ژ بوهایێن كوردایهتیێ ره دیار كرن, ئەڤ ڤین ژی نوونهراتیا ڤهگهرا بهێز یا پارتی و ئالیگرێن وێ بۆ كهركووك و شهنگالێ, و ڤهگهراندنا باوهریێ ب نێزیكبوونا رێزگاریێ و ڤهگهرا بۆ ههمبێزا كوردستانێ ژ نوو ڤه دكه, و شوونێن خیانهتا 16 جۆتمههێ ژ ناڤ ببه, سهركهفتنا پارتی واته سهركهفتنا گشتپرسیا كوردستانێ یه, كو بهرێ و نها ژی گاڤهكه بهر ب سهرخوهبوونا كوردستانێ ڤه یه.
پەدەكەسێ د نامهیا خوه ده گۆت ژی: سهركهفتنا پارتیا دیمۆقراتی كوردستان, وهكه سهرۆك مسعود بارزانی د نامهیا خوه یا پیرۆزكرنێ ده گۆتیه واته: سهركهفتنا پرهنسیپ و بوهایێن بنگهها تهكۆشینا گهلێ كوردستانێ یه, ههروهها سهركهفتنا وێ نامهیهكه بۆ ههموو ئالیانە كو گهلێ كوردستانێ تو جاری و چ دهمی دهست ژ دیرۆك و پرهسیپێن خوه بهرناده.
د داویا نامهیا خوه ده, پەدەكەسێ جارهكه دن پیرۆزباهی ب سهركهفتنا مهزن كر و هێڤیا سهركهفتنێ بۆ دۆزا كورد و كوردستانێ خوهست.
ش.ه
244