د بانگا یه‌كرێزییا ته‌ڤگه‌را كوردی ده‌

د بانگا یه‌كرێزییا ته‌ڤگه‌را كوردی ده‌

Nov 14 2019

دكتۆر عەبدولحەكیم بەشار ئەندامێ كۆمیتەیا دەستووری یا سووریێ و ئەندامێ پۆلیتبیرۆیا پارتیا دیموقراتا كوردستان سووریا دەربارێ بانگەوازیا مەزلووم عەبدێ فەرماندەیێ گشتی یێ هێزێن سووریایا دیموقراتیك قسد گۆت مەزلووم عەبدێ ئەندامەكی دبستانا پ ك ك یە و بانگەوازیا وی تەنێ ژبۆ پشتەڤانیا سەركردایەتیا وی یە.

د گۆتارەكێ دە، دكتۆر بەشار گۆت هن پێشینە ژ مەزلووم عەبدێ تێنە خوەستن گەرەك ئەنجام بدە، ئەوژی ئەڤن:

یەكەم..راگهاندنا خوەژكاركشاندن ژ پ ك ك، و خوە ژ هەموو كار و كریارێن كو پ ك ك دەرحەقێ كوردێن سووریێ پێكئانینە، بشوو.

دویەم..راگهاندنا ژهەڤ ڤەقەتاندنا قسد ژ سەركردایەتیا قندیلێ ب رێیا داخویانیەكە فەرمی .

سێیەم..دەركرنا هەموو ئەندامێن گرێدایی پ ك ك ژ قسد

چارەم...رادەستكرنا ئەندام و كۆمێن كو تاوان لدژی كوردان پێكئانینە مینا كۆمكوژیا عاموودێ و كۆمكوژیا مالباتا شێخ نەعسان ل عەفرینێ و كۆمكوژیا كۆبانیێ و تەرۆركرنێن كو ئەنجامدانە مینا تەرۆركرنا شەهید نەسردین برهك و مشعل تەمۆ و كەسنە دن ژی، بۆ ئالیەكی لهەڤكرن لسەر وەرە كرن، هەروەها رادەستكرنا ئەندامێن كو فەرمانا ئەنجامدانا وان تاوان دانە، ژبۆ دادگەهكرنا وان.

پێنجەم..ئەشكەرەكرنا چارەنڤیسا رەڤاندنیێن لسەر دەستێ هێزێن مەزلووم عەبدێ، ژ وان بەهزاد دۆرسن و پارێزەر ئدریس عەلۆ و كەسنە دن ژی.

شەشەم..راگهاندنا پارتیەكە سیاسی خوەدی پرۆگرامەكە نشتیمانی سووری.

د داویا گۆتارا خوە دە دكتۆر عەبدولحەكیم بەشار جیگرێ سەرۆكێ هەڤپەیمانیا نشتیمانی یا ئۆپۆزسیۆنا سووریێ گۆت جەنەرال كەسایەتیەكە لەشكەری یە و نە سیاسی یە وەكە كو ئەو بخوە ژی دبێژە، و گۆتیە كو پ ی د نوونەاتیا وان ناكە، و ئەنجامدانا وی ژ ڤان پێنگاڤان رە گرنگە ئەگەر ئەو د بانگەوازیا خوە دە راست بە و لێ تێگهشتی بە.



المقال يعبر عن رأي الكاتب

886