د.عەبدولحەكیم بەشار: پێویستبوو رێژەیا كوردان د كۆمیتەیێ دە 15% بایا

أرك نيوز...دكتۆر عەبدولحەكیم بەشار ئەندامێ كۆمیتەیا دەستووری یا سووریێ گۆت تا نها ئاتمۆسفێرێن جڤینێن كۆمیتەیێ نە نەرێنی نە و گۆت ژی پێویست بوو كو رێژەیا كوردان دناڤا كۆمیتەیێ دە پازدە ژ سەدی بایا.

بەشار د لێدوانەكێ دە ژبۆ ئاژانسا ئانادۆل یا توركیێ ل سەر جڤینێن كۆمیتەیا دەستووری كو چارشەمبا بۆری یەكەم جڤین ب سەرپەرەشتیا نەتەوەیێن یەكگرتی ب ئامادەبوونا گێرپێدرسۆن هات لدارخستن، گۆت تەڤی وێرانكرنا ل سووریێ روودایی، و شەرێ دژوار و ب سەد هەزاران ژ كوشتی و دەربەردران، لێ ئاتمۆسفێرێن جڤینێن كۆمیتەیا دەستووری نە نەرێنی نە و كە وان پێشبینی دكر.

بەشار هەروەها گۆت ئاتمۆسفێر نە ئەرێنی بوون، و هن دەحڤدان ژ ئالیێ شاندا رێژیمێ ڤە ژبۆ راوەستاندنا جڤینان و درێژكرنا جڤینان هەیە، لێ نە ب نەرێنیا كو وان پێشبینی دكر، و گۆت ئەم دكارن ببێژن هن ئالی هەنە جدی نە ژبۆ سەرخستنا پرۆسەیا دەستووری و بتایبەت ژ ئالیێ رۆسیێ ڤە.

دەربارێ داخوازێن كوردان د كۆمیتەیا دەستووری دە، دكتۆر عەبدولحەكیم بەشار گۆت خوەستەكێن كوردان د وێ یەكێ دەیە كو دان ب وێ یەكێ وەرە دان كو سووریێ هەموو نە عەرەبی یە، سووریە ژبۆ عەرەب و توركومان و كورد و ئاشۆری و سریانیانە، و دڤێ دان ب فرەهئالیا سووریێ وەر دان، هەروەها ئەو داخوازا ناڤەكی نوو ژبۆ كۆمارا سووریێ دكن، و دانپێدان ب زمان و چاندا كوردان و ب هەموو پێكهاتەیان و وەكهەڤی ناڤبەرا ژن و مێر دە و گەرەنتیا مافێ پێكهاتەیان، و ئەو یەك وەكە پرەنسیپنە سەرەكەنە كو وان د كۆمیتەیێ دە داخواز كریە، و یا هەری گرنگ گوهەرتنا ناڤێ كۆمارێ یە، و گۆت ژی كو لگۆری ئەنجومەنا نشتیمانی یا كوردی ل سووریێ شێوەیێ گونجاو ژبۆ سووریێ سیستەما تەڤلیهەڤ ئانگو پەرلەمانی سەرۆكاتی هەڤبەشە یان سیستەما پەرلەمانی یە، ژبەر كو هات خویاكرن كو سیستەما سەرۆكاتی د سالێن بۆری دە بسەرنەكەت.

دەربارێ نوونەراتیا كوردان د كۆمیتەیا دەستووری دە، بەشار ئەو یەك ب لاواز بناڤ كر و گۆت لگۆری ئامارێن نەفەرمی رێژەیا كوردان ل سووریێ دەردۆرا پازدە ژ سەدی یە، و پێویستبوو رێژەیا كوردان د كۆمیتەیێ دە ژی پازدە ژ سەدی بایا لێ ئەو یەك بجی نەبوو، لێ وێ دەنگەكی كورد بهیستكری هەبە، و گۆت ئەم پێشبینیا پشتەڤانیێ ژ هەڤالێن خوە د ئۆپۆزسیۆن و رێخستنێن جڤاكا سڤیل د كۆمیتەیێ دە دكن، هەروەها پشتەڤانیا هن وەلاتێن هەرێمی و ناڤدەوەلتی ژبۆ مافێن كوردان و كێمینەیێن دن ژی.

بریارە سبە رۆژا دوشەمێ جڤینا یەكەم یا كۆمیتەیا بچووكری كو ژ چل و پێنج ئەندامان پێك تێ وەرە لدارخستن، دناڤا كۆمیتەیا ئۆپۆزسیۆنێ دە ژی كامیران حاجۆ وەكە نوونەرێ كوردان وێ ئامادە ببە.

450