يوونان: 424 كۆچبه‌ر ژ توركيێ گهشتنه گراڤێن يوونانى
د ڤان رۆژێن داوى ده, شه‌پێله‌كه كۆجبه‌ريێ ب ئاوايه‌كى به‌رچاڤ ژ توركيا بۆ گراڤێن يوونانى وپاشێ بۆ وه‌لاتێن ئۆرۆپايێ ده‌ست پێ كريه.
دوه رۆژا شه‌مبيێ تۆرا وه‌شانا گشتى ئا يوونانى ل سه‌ر زارێ پۆليسێن يوونانێ ڤه‌گوهه‌ستبوو, كو د هه‌ياما هه‌ردو رۆژێن بوورى ده, 424 په‌نابه‌ر ژ توركيێ گهشتنه گراڤێن يونانى.
ل گۆرى داخويانيێن كۆميسه‌را بلندا كاروبارێ په‌نابه‌ران ئا ب سه‌ر نه‌ته‌وێن يه‌كگرتى ڤه , كو د هه‌ياما مها ته‌باغا بوورى ده, 8103 په‌نابه‌ر ژ توركيێ گهشتنه گراڤێن يونانێ ل ده‌ريايا ئيجه.
ژ ئاليێ خوه ڤه وژبۆ پربوونا هه‌ژمارا په‌نابه‌ران د كامپێن گراڤێن يوونانى ده , حكوومه‌تا يوونانى د ڤان حه‌فته‌ێن بوورى ده ب هه‌زاران په‌نابه‌ر وبتايبه‌ت يێن كو ده‌رفه‌تێن وان ژ بۆ وه‌رگرتنا مافێ په‌نابه‌رتيێ هه‌به , بۆ به‌ژێ ڤه‌گوهه‌ستن.
هه‌ر دڤێ ده‌ربارێ ده, حكوومه‌تا يوونانێ چه‌ندين بريار ستاندن, ژ وان بريارار, كه‌سێن كو داخوازنامه‌ين وان يێن په‌نابه‌رتيێ هاتى ره‌دكرن دڤێ ب له‌ز وه‌رن چۆل كرن, هه‌روه‌ها پركرنا چاڤدێريێ ل سه‌ر سينۆر, سه‌ربارى چه‌ندين بريارێن دن گرێدايى ب وێ بابه‌تێ ڤه.
رۆژا ئينا بوورى رێخستنا بزێشكێن بێ سينۆر راگهاند كو بهترى 500 كۆجبه‌رى د ناڤ وان ده 240 زارۆك ب رێيا سێزدهـ به‌له‌مان گهشتن گراڤا ليسبوس ئا يوونانى , ژبه‌ر ڤێ يه‌كێ ژى وه‌زاره‌تا ده‌رڤه‌يا يوونانێ بانگ ل باليۆزێ توركيێ كر ونه‌رازيبوونا خوه ده‌ربارێ پربوونا هه‌ژمارا كۆچبه‌رێن كو ژ توركيێ گهشتنه دا خوياكرن.
هه‌روه‌ها سه‌رۆكێ توركيێ ره‌جب ته‌يب ئه‌ردوغان به‌ريا چه‌ند رۆژان گه‌فا ڤه‌كرنا سينۆر ژبۆ په‌نابه‌رێن ل توركيێ دمينن ودخوازن بگهن وه‌لاتێن ئه‌ورۆپايێ كر وگۆت, ئه‌گه‌ر ئه‌و وه‌لات پشتگريا وان ده‌ربارى په‌نابه‌ران ده نه‌كن ئه‌وێ سينۆر ڤه‌كن.
441
