رۆبرتسۆن: ئەمریكا رێگری ل ئەنجامدانا ئۆپەراسیۆنا توركی ل رۆژهلاتێ چەمێ فەراتێ كر

آرك نيوز...ئەمریكا دبێژە كو گۆتووبێژی دەربارێ ناڤچەیا ئارام ل گەل توركیا بەردەوامن , وریگری ل دەستێوەردانا لەشكەریا توركی د رۆژهلاتێ چەمێ فەراتێ دە هاتە كرن .

شۆن رۆبێرتسۆن بەردەڤكێ وەزارەتا بەرەڤانیا ئەمریكا بنتاغۆن راگەهاند كو هینا ئەمریكا وتوركیا دەربارێ ئاڤاكرنا ناڤچەیا ئارام ل رۆژهلاتێ چەمێ فەراتێ بەردەومن , وئەمریكا رێگری ل توركیا كر داكو دەستێوەردانا لەشكەری د رۆژهلاتێ چەمێ فەراتێ دە نەكە .

هەروەها رۆبێرتسۆن گۆت كو ل هەڤتێگهشتن ناڤبەرا ئەمریكا وتوركیا دەربارێ ناڤچەیا ئارام , بوو رێگر ل پێشیا ئەنجامدانا ئۆپەراسیۆنا لەشكەریا توركی ل رۆژهلاتێ چەمێ فەراتێ .

د هەڤدیتنەكێ دە ل گەل كەنالە الحرە یا ئەمریكی راگەهاند كو وەزیرێ بەرەڤانیا ئەمریكا ووەزیرێ بەرەڤانیا توركیا پێنگاڤێن جدی ژ بۆ دروستبوونا ل هەڤتێگهشتنی دەربارێ ئاڤاكرنا ناڤچەیا ئارام ل رۆژهلاتێ چەمێ فەراتێ ئاڤێتنە .

رۆبێرتسۆن ئاماژە ب وێ چەندێ كر وگۆت كو دابینكرنا ئاساییشا سنووری ناڤبەرا توركیا وسووریێ , ژ بۆ هەردو ئالیێن توركی وسووری گرینگە , وپرۆسەیا پاراستنا ئەولەهیا سنوروی گەرەنتیا نەهشتنا رووبرووبوونێ دكە
.
هەر دوه ئەمریكا وتوركیا دەستپێكرنا قۆناغا یەكێ ژ ئاڤاكرنا ناڤچەیا ئارام راگەهاندن , وتوركیا ژی ژ ئالیێ خوەڤە گۆتبوو ئەو ناڤەندا ئۆپەراسیۆنێن هەڤبەش یا كو توركیا وئەمریكا ل سەر رێكەفتنە , وێ د ڤێ حەفتیێ دە دەست بكار بكە .

هەڤدەمێ ڤان پێشهاتەیان ئەكادیمیناسەكی عەرەب ب ناڤێ فراس ممدوح الفهد ل سەر رووپەلا خوە یا فێسبووكێ بەلاڤكریە كو پەیەدە ئامادەكاریا ڤەكشانێ ژ هەردو باژارێن سەرێ كانیێ وگرێ سپی دكە .

296