مهزلووم عهبدێ: ئهم داخوازا ناڤچهيهكه ئارام ژ دجله تا فراتێ دكن
فهرماندهيێ گشتي يێ چهكدارێن سووريايا ديموقراتيك مهزلووم عهبدێ ئهشكهره كر كو وان داخوازا ناڤچهيهكه ئارام ژ دجله تا فراتێ كريه و ئهو قهبوول ناكن ناڤچهيا ئارام تهنێ ژ سهرێ كانيێ تا گرێ سپي به.
عهبدێ د لێدوانهكێ ده ژبۆ ميديايا بسهر پ ي د ڤه ئهشكهره كر كو ناڤچهيا ئارام بگشتي وێ ب كووراهيا پێنج كيلۆمهترهيان به لێ لهن ناڤچهيان وێ بگهێژه نهه تا چارده كيلۆمهترهيان ژي, و ئو قهبوول ناكن ناڤچهيا ئارام تهنێ ژ سهرێ كانيێ تا گرێ سپي به, و دا زانين ژ يكو وان پرۆژهيهكه پێشنيار كريه كو ئهو ناڤچهيا ئارام دجله تا فراتێ به و چهكدارێن ي پ گ و ي پ ژ يێن بسهر پ ي د ڤه ژێ ڤهكشن.
دهربارێ ههڤديتنێن بتوركيێ ره عهبدێ گۆت ژ يكو وان ژ ئهمهريكايێ ناڤبێنكاري ناڤبهرا وان و توركيێ ده خوهستيێه و د رۆژێن بێ ده ئهوێ ب توركيێ ره ههڤديتنان پێك بينن.
سهركردهيا ئهنجومهنا سووريايا ديموقراتيك مسد ئلهام ئهحمهد ژي بهريا دوو رۆژان راگهاندبوو كو ئهو لسهر پێنج كيلۆمهتهريان ژبۆ ناڤچهيا ئارام رازي نه و دێ چهكێن گران ژي ژ وێ ناڤچهيێ ڤهكشينن داكو ژ جيهانێ ره بدن نيشاندان كو ئهو قهت مهترسيێ لسهر توركيێ پهيداناكن.
ژبلي ئلهام ئهحمهد ههر يهك ژ سالح موسلم و ئالدار خهليل ژي راگهاندبوون كو ئهو لسهر پێنج كيلۆمهتهرهيان ژبۆ ناڤچهيا ئارام رازي نه.
322