
ئەمریكا: هینا گۆتوبێژی دەربارێ ناڤچەیا ئارام بەردەوامن
آرك نيوز...گۆتووبێژێ وەزارەتا دەرڤەیا ئەمریكا دبێژە كو ئەمریكا د گۆتووبێژیان دە ل گەل توركیا دەربارێ ئاڤاكرنا ناڤچەیا ئارام ل رۆژهلاتێ چەمێ فەراتێ بەردەوامە .
د چارچۆڤەیا كۆنگرەیەكی رۆژنەمەڤانی دە مۆگن ئۆرتاگۆس گۆتووبێژیێ وەزارەتا دەرڤەیا ئەمریكا راگەهاند كو هینا گۆتووبێژی دەربارێ ئاڤاكرنا ناڤچەیا ئارام ل گەل توركیا بەردەوامن , وب تو ئاوایەكی بەحسا رێكەفتنێ ل گەل توركیا نەكر .
هەروەها ئۆرتاگۆس تەكەز كر كو پێویستە پەنابەرێن سووریێ یێن ل توركیێ دمینن , ب ئارەزوویا خوە ڤەگەرن , نەك ب زۆرێ , وپێشڤەچوون د گۆتووبێژیان دە دەربارێ ناڤچەیا ئارام هاتنە پێكئانین .
وەكە وەزارەتا دەرڤەیا ئەمریكا دایەزانین د دەما نهادە ئەو بدوڤ میكانیزمەكێ دە دگەرن كو مەترسیێن توركیا یێن ئەولەهی نەمینن .
ئەڤ گۆتنێن گۆتووبێژێ وەزارەتا دەرڤەیا ئەمریكا د دەمەكێ دە تێن كو د چەند رۆژێن بووری دە رەجەب تەیب ئەردوغان سەرۆكێ كۆمارا توركیا د لێدوانەكە رۆژنەمەڤانی دە راگەهاند كو پشتی سێ رۆژان ژ جڤینان , ئەمریكا وتوركیا دەربارێ ناڤچەیا ئارام گەهشتنە رێكەفتنێ .
هەروەها ئەردوغان راگەهاند كو د ریێا ژوورا ئۆپەراسیۆنا هەڤبەش پێنگاڤ ژبۆ ئاڤاكرنا ناڤچەیا ئارام وێ وەرەنە ئاڤێتن .
359