پەیەدە ورژێما ئەەسەد دەرگەهێن ناڤەندێن وەرگرتنا جەه ل پێشیا جۆتكاران گرتنە

آرك نيوز..پشتی دەستپێكرنا پرۆسەیا چنینا دەخل ودان ل رۆژئاڤایێ كوردستانێ , وركابەریا رژێما ئەسەد وپەیەدە ل سەر كرینا دەخل ودان , ودەستنیشانكرنا نەرخ ژ گەنم وجەه رە, رژێما ئەسەد وپەیەدە ئیدی جەه ژ وەلاتیان ناكرن ودەرگەهێ ناڤەندێ وەرگرتنێ گرتنە .

ل گەل دەستپێكرنا پرۆسەیا فرۆتنا گەنم وجه بۆ رژێما ئەسەد , وپەیەدە رێگریێ ل پرۆسەیا فرۆتنا گەنم وجەه بۆ رژێما ئەسەد دكە , لێ ئیرۆ هەردو ئالیان دەرگەهێن ناڤەندێن وەرگرتنێ یێن خوە ل پێشیا جۆتكاران گرتنە , وجۆتكار نكارن جەه بفرۆشنە هەردو ئالیان .

وەكە ژێدەرەكە تایبەت ژ ئاركێ راگەهاندیە نە بەس ب تەنێ رژێما ئەسەد و پەیەدە دەرگەهێ وەرگرتنێ گرتنە , بەلكو پەیەدە د حەفتیەكێ دە ب تەنێ دو رۆژان دەرگەهێ كرینا گەنم ل پێشیا جۆتكاران ڤەدكە .

وژئالیێ رژێمێ ڤە چەندین مەرج ژ بۆ وەرگرتنا گەنم ژ جۆتكارێن كورد هاتنە دانین , ویەك ژ مەرجێن سەرەكە ژ بۆ فرۆتنا گەنم بۆ رژێما ئەسەد پێویستە بەلگەیێن منشأ , ورێڤەبەریا چاندنیێ ل جەم جۆتكار هەبن , داكو وەرە پشت راستكرن كو خوەیێ گەنم جۆتكارە , وئەگەر ئەو بەلگە نەبن جۆتكار راستی ئاستەنگیان تێن , وپێویستە ب رەشوە وبەرتیلێ بەلگەیان پەیدا بكە , ویان ژی نەچار دبن د بازارا رەشدە ب نەرخەكی كێم بفرۆشنە بازرگانێن رژێما ئەسەد وپەیەدە دە.

رژێما ئەسەد گەنم ل دائیرەیا السروە الحیوانیە , و ل الجرمز گەنم ژ خەلكێ دكرە , وكریێا بارهلگرێ هەتا كو گەنم ڤەگوهازێ ژ 100 هەتا 300 هەزار لەیرەیێ سوورییە , ئەو ژ ی ژ بلی مانا هەر رۆژەكە زێدە د سرایێ دە 25 هەزار لەیرەیێن سووری رۆژانە زێدە دبن , وهەروەها ژ بلی كریێا كرێكارێن كو گەنم باركرنە.

ل گۆری زانیاریێن تایبەت یێن گەهشتنە دەستێ ئاركێ د ریێ دە ژی رێبەندێن رژێما ئەسەد گەلەك ئاستەنگیان ژ جۆتكاران رە وبارهلگرێن گەنم رە دروست دكن , وهەتا كو پەرەیان وەرنەگرن , ریێ نادن ئەو بارهلگری دەرباس ببە , ودەما كو بارهلگرێ دگهە جهێ مەبەست ودبێ دەمێ دەستنیشانكرنا نەرخێ گەنم ژ ئالیێ پسپۆرێن رژێما ئەسەد ڤە , پسپۆرێن رژێما ئەسەد سەرێ هەر چوالەكی گەنم پێنجی لەیرەیا سووری وەردگرن داكو جۆرێ گەنم ب باش بنڤیسن .

ئەڤ هەموو هوورگولی دەربارێ پرۆسەیا فرۆتنا گەنم بۆ رژێما ئەسەد , دروست دبن دەما كو ئەو جۆتكار بكاربن خوە ژ ناڤا دەستێ پەیەدە رزگار بكن , ژ بەر پەیەدە بریار دایە رێگریێ ل فرۆتنا گەنم بۆ رژێما ئەسەد بكە , ئەوژی د دەمەكی ژێدەرەكێ راگەهاند كو تەڤایا بازرگان وبەرپرسیارێن پەیەدە گەنم فرۆتنە رژێما ئەسەد .
ز.ح

443