سەرۆكێ هەڤپەیمانییا نشتیمانی یا داخوازا میكانیزمێن نوو ژ نەتەویێن یەكگرتی دكە ژبۆ راوەستاندنا شەرێ ئدلبێ
سەرۆكێ هەڤپەیمانیا نشتیمانی یا هیزێن شۆرەشێ و ئۆپۆزسیۆنا سووریێ ، عبدالرحمن مصطفی ، پشتراست كر كو بوویەرێن كوشتن ووێرانكرنێ یێن ل دەڤەرێن كێمكرنا زێدەگاڤیان ل باكورێ سووریێ دقەومن، ژ ئەناما خەمساریا جڤاكا ناڤنەتەوەی ، پۆلیتیكی وهەلوێستێن وێ یێن سست ولاواز دبن.
مصطفی د ئاخڤتنەكە تۆماركری دە ل سەر رەوشا ئدلبێ و هەمایێ گۆت كو دڤێ جڤاكا ناڤنەتەوەی بریارێن پراكتیكی بستینە ژبۆ راوەستاندنا ب یەكجاری ژ كریارێن كوشتن، وێرانكرن و كۆچبەریا ب دارێ زۆرێ رە، و بال كشاند كو بریارێن ناڤنەتەوەی تەنێ تێرێ ناكن ، ژ خوە ڤە جیبجی نابن!.
وی ئاخافتنا خوە ئاراستەیی نەتەوێن یەكبوویی ودەولەتێن كارتێكەر كر و گۆت:" دڤێ هوون بەرپرسیاریا ژبۆ جیبجیكرنا بریاران و بجیهئانینا یاسا ناڤنەتەوەی و دامەزراندنا تاوانباران ل خوە بگرن.... لێ دودلی و ژمارتنا قەزەنج وزیانان ، نە ئەو ە ریا رووبرووبوونا تاوانباران".
وی داخوازا مەكانیزمایێن ئالتەرناتیڤ كر ژبۆ راوەستاندنا بۆبلات ئانگۆ كارەساتێن بەردەوام ل سووریێ، و داخوازا راكرنا ئاستەنگیان كر ژبۆ رێ ل بەر رەژیمێ بگرە، و هەموو فشاران تێخن ل سەر رووسییا ژبۆ راوەستاندنا ئێریشان و پشتگیریا خوە ژ ئەسەد رە.
مصطفی دیار كر كو بەرپرسیاریا دبەر تاوانێن ل دژی سڤیلان دە " زەلالە ، وتاوانكار خویا نە"، و دیار كر كو ئەو هێزێن رەژیما ئەسەد و چەكدارێن ئیرانێ و رووسیا نە، و بال كشاند كو هەموو هەولدانێن ناڤنەتەوەی ژ ئالیێ رووسیایێ تێنە تێكشكاندن وێ كارێ كۆنسەیا ئەولەكاریێ بەرئاڤێتی كرییە، و تەكەز كر كو ئەو بەردەوامە د بنپێكرنا زاگۆنێ ورێزنەگرتنا كارۆبارێن كۆمسیۆنان ورەدكرنا ئەنجامێن لێكۆلینێن تێنە پێكئانین ژ ئالیێ لێكۆلینەرێن ناڤنەتەوەی.
هەروها تەكەز كر كو مۆسكۆ بوویە هەڤپارێ راست راست د پێكئانینا تاوانان دە هەر ژ دەستپێكا دەستێوەردانا سووریێ دە، كو باژار وباژارۆك ب مەبەست بۆمبەرباران كرن، هەڤدەمی ل گەل لاوازكرنا پێڤاژۆیا چارەسەریا سیاسی و پشتگرتنا یەكئالیكرنا لەشكەری و كوشتن و كۆچباركرنا ب دارێ زۆرێ.
452
