پەدەكەسێ پیرۆزباهییا نێچیرڤان بارزانی كر
پۆلیتبیروویا پارتیا دەمۆكراتا كوردستان – سوریا پیرۆزباهیا نێچیرڤان بارزانی كر ب بۆنەیا هلبژارتنا وی ژ ئالیێ پەرلەمانا كوردستانێ ڤە وەكو سەرۆكێ هەرێما كوردستانێ .
د برۆسكا پیرۆزباهیا پۆلیتبیروویا پەدەكەسێ وها هاتییە، پۆلیتبیروویا پارتیا دەمۆكراتا كوردستان – سوریا ب ناڤێ پارتی وسەركردایەتیا پارتیێ و هەمی ئەندام و جەماوەرێ نشتیمان پەوەر گەرمترین پیرزباهی ل جەنابێ تە دكە ب بۆنەیا هلبژارتنا وەك سەرۆكێ هەرێما كوردستانێ.
هەروها د برۆسكا پارتیێ دە هاتییە، هەمی مللەتێ كورد ب هلبژارتنا ژ ئالیێ پەرلەمانا هەرێما كوردستانێ ڤە كەیف خوەش بوو، ژبەر كو ئەو هلبژاردە ژبۆ رێبازا بارزانیێ نەمرە ، رێبازا خەبات و قۆربانی دانێ و وەفادریێ یە، یێ كو هێژی مینا فاكتەرێ سەرەكە یێ خەباتا نەتەوەی كوردی ژبۆ بدەستڤەئانینا مافێن نەتەوەی كوردی ونشتیمانی یە وپەیداكرنا دەمۆكراتیێ ژبۆ مللەتێ كوردستانێ یە.
ئەم وەك پارتیا دەمۆكراتا كوردستان – سوریا ب تەمامی د وێ باوەریێ دە نە، كو هلبژارتنا جەنابێ وە وەك سەرۆكێ هەرێما كوردستانێ ، هەر ئەوە یە ، ئانگۆ بەردەوامی بدەستڤەئانینا دەسكەفتێن مەزنە وپاراستنا دەسكەفتێن كو جەنابێ سەرۆك مسعۆد بارزانی و پارتیا دەمۆكراتا كوردستانێ یا برا ژبۆ مللەتێ كورد ودۆزا كوردی بدەستڤەئانینە و هشتی كو رێزا مللەتێ كورد و دۆزا كوردی ل چاڤێ هەمی دەولەتێن جیهانێ دە وەرە گرتن.
د داویا برۆسكا پارتیێ دە هاتیە ، ئەم دووبارە ژدل وجان پیرۆزباهێ ل جەنابێ تە دكن و پشتەڤانێن تەنە وتەكەزیێ ل سەر پشتەڤانیا خوە ژبۆ تە دكن وئەم د وێ باوەریێ دە نە كو هون وێ سەركردایەتیەكە حەكیمانە بكن وتشتا كو خێر تێدە بە ژبۆ مللەتێ كورد ودۆزا كوردی.
هەروسا ئەم شانازیێ ب پەیوندی وتێكلییا برایەتی یا دناڤبەرا هەردو پارتیێن مە دە دكن وهەر تو بمینی د خزمەتا مللەتێ مە ودۆزا مە یا رەوا دە.
پۆلیتبیروویا پارتیا دەمۆكراتا كوردستان – سوریا
28/5/2019.
399
