گرۆپەك چەكدار ئەشكەرە بوو كو خەلكێ ل عەفرینێ درەڤینە
گرۆپێن چەكدار كارێن جۆرب جۆر بسەر مللەتێ كورد ل عەفرینێ دهێنن و كاری هەری داوی ژی، رەڤاندنا هژمارەك وەلاتیێن كورد یێن ناڤچەیێن سەر ب عەفرینێ ڤە و داخوازكرنا گۆژمێن پەرا مینا (100) هەزار دۆلار بەرامبەر ئازادكرنا وان یان كوشتنا وان.
دو كەس ژ گرۆپەكە چەكدار هاتن ناسكرن كو خەلكێ عەفرینێ درەڤینن و ل همبەر ئازادكرنا وان گۆژمێن پەرەیان ژ مالباتێن وان دخوازە .
و د هەفتییا بووری دە ژی، وەلاتیەك عەفرینی دبن ئەشكەنجەیێ دە هات كوشتن ژبەر كو مالباتا وی گوژما پەریا داخواز كری نەبوو ، ئەوژی سەد هەزار دولار بوو.
گرۆپا چەكدار یا فیلق الشام ل عەفرینێ ، دو پەنابەرپین باژارۆكێ القصێر یێ سەر ب حمسێ ڤە و ئەندام بوون د رێڤەبەریا پۆلیسێن لەشكەری ل عەفرینێ دە، گرتن كو بەرپرسن دبەر رەڤاندنا خەلكێ عەفرینێ دە و داخوازكرنا فدیێ ل همبر ئازادكرنا وان.
گرۆپا فیلق شام دبێژە لێپرسین بەردەوامە و ئەمێ تاوانبارین دن ژی ئەشكەرە بكن و ئەڤە گرۆپەكە بێ دین و ئیمانە و وی بگهن سزایێ خوە ، لێ خەلكێ عەفرینێ و پەنابەرێن ل عەفرینێ دمینن داخوازا ب دارڤەكرنا وان لهمبەر سەرایا عەفرینێ دكن.
ل ناڤچەیا شیێ ژی، گرۆپا چەكدار یا ب ناڤێ العمشات ناڤێن تاخ و گوندێن ناڤچەیا شیێ دگوهەرە.
ژێدەرەكە تایبەت ژ ئاركێ رە راگهاند، كو گرۆپا ب ناڤێ العمشات ب سەركردایەتیا ابو العمشە هەول ددە ناڤێن گوند و تاخێن ناڤچەیا شیێ دگوهەرە.
وهەروها وی ژێدەری گۆت، مالباتێن ناڤچەیا شیێ یێن كو ژ دەرڤەیی عەفرینێ پەنابەرن وێ مالێن وان رادەستی مالباتێن پەنابەرێن عەرەب وەرن كرن و ل سەر ناڤێن وان وەرن قەید كرن.
382
