چارەنڤیسا بەهزاد دۆرسن ؟
هەردناڤبەرا دەم ودەمەكێ دە باسا لهەڤهاتن و یەكرێزییا ناڤمالا كوردی دناڤبەرا ئەنجوومانا نشتیمانیا كوردی ل سووریێ ، ئەنەكەسێ و پەیەدێ دە ، تێ كرن.
لێ شەرت و مەرجێن ڤێ ل هەڤهاتنێ نایێن پێك ئانین ژ ئالیێ پەیەدێ ڤە ، ژبەر كو ئەنەكەسێ ب بەردەوامی دبێژە هەتا كو ئەم و پەیەدێ ل هەڤبكن دڤێ پەیەدێ گاڤێن باوەریێ باڤێژە ئەو ژی مینا ئازادكرنا گرتییان و دیاری كرنا چارەڤنیسا وان .
گرتیێن سیاسیێ یێن كو پەیەدێ رەڤاندنە و هەتا نها بێ چارەنڤیسن ب دەهان هەنە دناڤبەرا سەركردە و كارۆیێ پێشكەتی و مێلدار وئالیگرێن ئەنەكەسێ و پەدەكەسێ .
بەهزاد دۆرسن ، ئەندامێ پۆلیتبیروویا پارتیا دەمۆكراتا كوردستان – سوریا ، رۆژا (24.10.2012)، دگەل هەڤالێ وی نضال عثمان ژ ئالیێ گرۆپەك چەكدارێن پەیەدێ ڤە هاتنە رەڤاندن و هەتا نها چارەنڤیسا وان نەدیارە .
پارتیا دەمۆكراتا كوردستان – سوریا ، د داخویانێن خوە دە دبێژە ، تەڤی كو گەلەك رێكەفتن دناڤبەرا ئەنجوومانا نشتیمانیا كوردی ئەنەكەسێ و تەڤدەمێ هاتن ئمزا كرن ، مینا رێكەفتنێن هەولێر1 ، هەولێر2 و رێكەفتنا دهۆكێ ، لێ هەمی بێ مفا بوون و چ باندۆرەك ئەرینی ل سەر دیاركرنا چارەنڤیسا خەباتكار و سیاسەتمەدارێ كورد بەهزاد دۆرس نە كر.
و دەما نها دە ژی، تەڤی گوهەرتنێن سیاسی یێن بلەز وپێدڤییا مللەتێ كورد و تەڤگەرا وێ یا نەتەوەی ژبۆ یەكرێزیێ و لهەڤهاتنێ لێ پەیەدێ چ ژینگەیەكێ ژبۆ وێ یەكێ دابین ناكە .
دەما نها دە ژی باسا لهەڤهاتنەكێ نوو ودەستپێشخەریەكێ تێ كرن ، لێ گەلۆ ما ئەگەر تشتەك وسا چێ ببە، گەلۆ ما وێ پەیەدێ چارەنڤیسا سەركردە بەهزاد دۆرسن و هەڤالێن وی دیار بكە ؟؟؟
ئەڤ نیزیكی هەفت سالانە ، ئەندامێ پۆلیت بیروویا پارتیا دەمۆكراتا كوردستان – سوریا ، بەهزاد دۆرسن و هەڤالێ وی ژ ئالیێ گرۆپەك چەكدار یێ پەیەدێ ڤە هاتبوون رەڤاندن .
634
