ئەمینداریا گشتی یا ئەنەكەسێ داخویانیەك دەربارێ عەفرینێ دە بەلاڤ كر

ئەمیندارییا گشتی یا ئەنجوومانا نشتیمانیا كوردی ل سووریێ ، ئەنەكەسێ، ئیرۆ(27.5.2019)، گۆتارەك تووند دەربارێ رەڤاندنا وەلاتیێەك عەفرینێ و كوشتنا وی دە بەلاڤ كر.

د خوایانییا ئەمیندارییا ئەنەكەسێ دە، هاتییە، د چارچۆڤەیا بەردەوامییا تاوان و كریارێن گرۆپێن چەكدار ل عەفرینێ دەرهەقێ مللەتێ كورد ل هەرێما عەفرینێ و مال و مولكێن وان ئەنجام ددن، گرۆپەك ژ چەكداران رۆژا (13.5.2019)، دەربارێ رەڤاندنا (3) وەلاتیێن كورد ژ عەفرینێ ، ئەو ژی (شرف الدین سیدو ، رشید حمید خلیل وكورێ وی یێ زارۆك محمد سیدو ) وداخوازا فدیێ ل همبەر ئازادكرنا وان، ورۆژا (22.5.2019) تەرمێ وەلاتیێ ب ناڤێ رشید خلیل سیو پشتی ئەشكەنجەیەك تووند هات دیتن وئەڤ یەك ژی ترس ل سەر چارەنڤیسا هەردو وەلاتیین دن زێدەتر كر.

ئەنەكەسی گۆت، تاوانێن مینا ڤی تاوانێ زنجیرا تاوانێن ل دژی مرۆڤاهیێ ل سەر دەستێ گرۆپێن چەكدار ل عەفرینێ و ناڤچەیا ب حساب دبن كۆنترۆلا توركێ و هەژمۆنا وێ دە یە ، زێدە دكە ، وتەڤی هەمی بانگەوازی و هەوارا مللەتێ كورد ل نە توركێ و نەگرۆپێن چەكدار چ گرنگیێن ددە ڤان بانگەوازیان و چ سزا و محاسبە ب ڤان گرۆپان رە نایێ كرن .

ئەنجوومانا نشتیمانیا كوردی تاوانێن ب ڤی ئاوایی ب تووندی شەرمەزار دكە وداخوازێ ژ هەڤپەیمانیا نشتیمانی یا هێزێن شۆرەشێ و ئۆپۆزسیۆنا سووریێ دكە، كریارێن وها شەرمەزار بكە و دەستێ خوە ل سەر ڤان گرۆپان راكە و كەسێن تێكلداری ڤان كریاران سزا بدە، وهەروها ئەنەكەسێ داخوازێ ژ نەتەویێن یەكگرتی وجڤاكا ناڤدەولەتی ودەولەتێن پەیوەندیدار ب رەوشا سووریێ ڤە دكە دا كو چارەیەكێ ژ رەوشا عەفرینی رە ببین وڤان گرۆپێن چەكدار ژ عەفرینێ دەرخینە ورێڤەبەریا هەرێما عەفرینێ رادەستێ خەلكێ عەفرینێ كوردێن رەسەن بكن .

357