پەیەدێ مەلایێن كوردستانا سووریێ نەچار دكە دا كو دوعا ژ ئۆجەلان رە بكە

پەیەدێ ملایێن مزگەڤتان و پێش نمێژ خوینێن كوردستانا سووریێ نە چار دكە دووعایێ ژ سەرۆكێ پەكەكێ عبدالله ئۆجەلان رە بكە .

ریڤەبەریا پەیەدێ گشتنامەیەك بەلاڤ كرییە و تێدە فەرمانێ ددە مەلایێ هەرێمێن كوردستانا سووریێ یێن دبن كۆنترۆلا وێ دە دا كو دووعایێ ژ ئۆجەلان رە بكە و داخوازا ئازادكرنا وی بكە.

ل گۆر گشتنامەیا پەیەدی، دڤێ هەر نمێژا رۆژا ئینێ مەلایێ كوردستانا سووریێ دووعایێ ژ ئۆجلان رە بكە و داخوازا ئازادكرنا وی بكن و بیرۆباوەری و هزرێن ئۆجلان دناڤا گۆتارا خوە یا رۆژا ئینێ دە پێشكێشی موسلمانان بكن.

هەر د هەمان گشتانامەیا پەیەدێ دە هاتییە ، كو دڤێ مەلایێن كوردستانا سووریێ فكر و هزرێن ئۆجەلان بەلاڤ بكن و داخوازێ ژی ژ رێخستنێن جڤاكا سڤیل و مافێن مرۆڤان بكن ، دا كو كار ل سەر ئازادكرنا ئۆجلان بكن.

دوه ژی(24.5.2019)، ئەو بریار و گشتنامەیە ل مزگەفتا شێخ مەقصودا مەزن یا تاخا شێخ مەقصودا رۆژهلات ل باژارێ حەلەبێ و باژارێ حەسەكێ وگوندەوارێ وێ كەتە بوارێ بجه كرنێ دە و مەلایێن وان ناڤچەیان دوعا ژ ئۆجەلان رە كرن و هەوارا خوە ئاڤێتن خوداێ مەزنی دلۆڤان كو ئۆجەلان ژ زندانا ئیمرالێ دەركەڤە وهزر و رامان و ئایدیۆلۆجیا ئۆجەلان ژبۆ موسلمانێن ل مزگەفتان دە شرۆڤ كرن.

عبدالله ئۆجەلان سەرۆكێ پەكەكێ ئەڤە 21 سالە د زندانا ئیمرالێ ل توركیێ دە یە.

هەڤدەمی كو پەیەدێ ئدیعاء دكە و دبێژە ئەو نە باسكێ پەكەكێ یێ سووریێ یە ، لێ هەمی كار وكریارێن پەیەدێ مینا یێن پەكەكێ نە و هەمان رەفتارێن پەكەكێ وسلۆگان و دورشم و ئایدیۆلۆجیا پەكەكێ د ناڤا مللەتێ كورد ل كوردستانا سووریێ بەلاڤ دكە.

625