ئەگەرا شەرێ ئەمەریكا و ئیرانێ چ یە؟
دەنگێ دهۆلا شەر دناڤبەرا ئیرانێ و ئەمەریكا دە بەهێز تێ ، وترس د دلێ خەلكێ دەڤەرێ وهەرێمێن نیزیكی ئیرانێ دە دەردەكەڤە، شرۆڤكارێن سیاسی دبێژێن هەر مەترسیەك وفشارەك ل سەر ئیرانێ ودچ بۆرای دە بە وێ پەلێ خوە باڤێژە دەولەت و وهێز و میلیسیایێن گرێدایی وێ و هەڤالبەندێن وێ.
د چارچۆڤەیا شەرێ دەڤكی وراگهاندنی دناڤبەرا واشنتۆن و تەهرانێ دە ژبەر بەرنامەیا ئەتۆمی ودەستێوەردانا ئیرانێ د كاروبارێن دەولەتێن هەرێمێ دە، پێشبینا شەرەكێ تێ كرن كو ئەمەریكا ببە سەر ئیرانێ، ژبەر رۆلا ئیرانێ یا خراب و دەستێوەردانا وێ د دەولەتێن هەرێمی دە، وهەر ئەگەرا ململانیەكێ یان شەرەكێ وێ باندۆرا وێ ل سەر دەولەت وهەڤالبەند وهەڤپەیمانێ ئیرانێ ژی هەبە.ودبە كو تەنێ ئەڤ فشارەك ئابووری بە ل سەر ئیرانێ دا كو هنەك سازەش بكە ل سەر رۆلا خوە د هەرێمێ دە كێم بكە.
ژ دەستپێكا شۆرەشا سووریێ ڤە ئیرانێ رۆلەك خراب د سووریێ دە دیتی یە وپشتەڤان بوویە ژ رێژیما ئەسەد رە و شەرێ ئۆپۆزسیۆنا سووریێ ب درێژاهيیا شەرێ سووریێ كرییە، ویەك ژدەولەتێن بەرپرسە دبەر گەهشتنا رەوشا سووریێ بۆ ڤێ ئاستێ، چ پاشڤەگەرك یان لاواز بوونەك د هەلوێستا ئیرانێ دە وێ هێزێا رێژیما سووریێ لاواز بكە و دێ ئالیكار بە د سەركەفتنا چارەسەرییا سیاسی د رەوشا سووریێ دە ب ئاوایەك گشتی.
ل ئالییەكی دن ژی ئیران یەك ژ هەرسێ وەلاتێن گەرانتۆر د چارچۆڤەیا جڤینێن ئاسیتانا وسۆتشی دە یە كو دەرئەنجاما هەری بەرچاڤ یا ئاسیتانایێ ناڤچەیێن كێم كرنا ئاستا شەر ل سووریێ یە.
گەلۆ شەرێ ئیرانێ و ئەمەریكا وێ چ باندۆرەكێ ل سەر ئالیێن پەیوەندیدار د شەرێ سووریێ و دەولەتێن هەرێمی و جیهانی گرێدایێ رەوشا سووریێ بكە ، و دێ هەڤكێشەیا كریزا سووریێ بەرڤ كی ئالی ڤە بچە.
505
