پ ی د دەست ب رەڤاندنا جوانێن ژدایكبوویێ 1986ان كر

بەرۆڤاژیێ گۆتەگۆتێن پاشخستنا تەمەنێ لەشكەریا نەچاری یا پەیەدێ ب قاسی چار سالان، پارتیا یەكیتیا دیموقراتیك پەیەدێ دەست ب رەڤاندنا جوانێن ژدایكبوویێ 1986ان و ژۆر دە ژبۆ لەشكەریا خوە یا نەچار كریە.

ل گۆری ئاگەهنامەیەكێ كو ژ دەستەیا ناڤ لێتێكرن دەستەیا پاراستنێ یا پەیەدێ كو رۆژا چاردەهێ ڤێ مەهێ هاتیە بەلاڤكرن، بانگ ل چەكدارێن پەیەدێ تێ كرن كو ژ رۆژا پازدەهێ مەهێ ڤە دەست ب رەڤاندنا جوانان ژبۆ لەشكەریا نەچاری بكن.

د وێ ئاگەهنامەیێ دە هاتیە كو جوانێن ژدایكبوونا وان ناڤبەرا 01.01.1986 تا 31.12.2000 دڤێ ژبۆ لەشكەریا پەیەدێ یا نەچاری وەرن برن.

ل رۆژئاڤایێ كوردستانێ، پشتی كو رێژیما سووریێ د هاڤینا سالا 2012ان هن ناڤچە رادەستی پەیەدێ كرن، پەیەدێ هەمان یاسا و بریارێن رێژیمێ بجی ئانین، یەكسەر یاسایا خوە یا لەشكەریا نەچاری راگهاند، و دەست ب رەڤاندنا جوانان كر، وئەو یەك بوو سەدەمەكە سەرەكە كو رۆژئاڤایێ كوردستانێ ژ جوانان ڤالە ببە، و رێژەیەكە بلند یا جوانان كۆچبەری وەلاتێن هەرێمی و رۆژئاڤایی ببن.

پەیەدێ بەرێ جوانێن كورد دا ناڤچەنە دەرڤەیی رۆژئاڤایێ كوردستانێ مینا تەپقا، رەقا، منبج، و دێرازۆرێ، و ژبۆ رزگاركرنا وان ناڤچەیان، ب هەزاران جوانێن كورد شەهیدبوون، و د بەرامبەر دە تا وەكە ئیرۆ ژی یاسایا لەشكەریا نەچار یا پەیەدێ بجدی تەنێ لسەر كوردان دە تێ بجیكرن، و قوربانی تەنێ جوانێن كوردن.

416