محمد علی: هەر فشارەك ل سەر ئیرانێ وێ باندۆرێ ل سەر دەولەتین جیران ژی بكە
دەنگێ دهۆلا شەر دناڤبەرا ئیرانێ و ئەمەریكا دە بەهێز تێ ، وترس د دلێ خەلكێ دەڤەرێ وهەرێمێن نیزیكی ئیرانێ دە دەردەكەڤە، شرۆڤكارێن سیاسی دبێژێن هەر مەترسیەك وفشارەك ل سەر ئیرانێ وێ وچ بۆرای دە بە وێ پەلێ خوە باڤێژە دەولەت و وهێز و میلیسیایێن گرێدایی وێ و هەڤالبەندێن وێ.
د چارچۆڤەیا شەرێ دەڤكی وراگهاندنی دناڤبەرا واشنتۆن و تەهرانێ دە ژبەر بەرنامەیا ئەتۆمی ودەستێوەردانا ئیرانێ د كاروبارێن دەولەتێن هەرێمێ دە، ئەندامێ كۆمیتا سیاسی یا پارتیا دەمۆكوراتا كوردستان – سوریا ، محمد علی، وها گۆت:" ژ رۆخانا رێژیما صدام حسێن 2003 وهەتا وەك ئیرۆ چ دەنگەك بلندی سیاسی ولەشكەری وسا نەهاتییە، لەوما پێشبینا شەرەكێ تێ كرن كو ئەمەریكا ببە سەر ئیرانێ، ژبەر رۆلا ئیرانێ یا خراب و دەستێوەردانا وێ د دەولەتێن هەرێمی دە، وهەر ئەگەرا ململانیەكێ یان شەرەكێ وێ باندۆرا وێ ل سەر دەولەت وهەڤالبەند وهەڤپەیمانێ ئیرانێ ژی هەبە.
محمد علی هەورسا گۆت دبە كو ئەڤ فشارەك ئابووری بە ل سەر ئیرانێ دا كو هنەك سازەش بكە ل سەر رۆلا خوە د هەرێمێ دە كێم بكە.
ئەندامێ پۆلیتبیروویا پارتێ دا زانین ، ژ دەستپێكا شۆرەشا سووریێ ڤە ئیرانێ رۆلەك خراب د سووریێ دە دیتی یە وپشتەڤان بوویە ژ رێژیما ئەسەد رە و شەرێ ئۆپۆزسیۆنا سووریێ ب درێژاهییا شەرێ سووریێ كرییە، ویەك ژدەولەتێن بەرپرسە دبەر گەهشتنا رەوشا سووریێ بۆ ڤێ ئاستێ.
محمد علی دا زانین كو چ پاشڤەگەرك یان لاواز بوونەك د هەلوێستا ئیرانێ دە وێ هێزێا رێژیما سووریێ لاواز بكە و دێ ئالیكار بە د سەركەفتنا چارەسەرییا سیاسی د رەوشا سووریێ دە ب ئاوایەك گشتی.
351
