وێنه .. ئاگر ب چیاێن عه‌فرینێ كه‌تیه
آرك نيوز .. ل عه‌فرینا رۆژئاڤایێ كوردستانێ دوه 17/5/2019 ئاگر ب سێ جهان ل ناڤچه‌یێن هه‌رێمی كه‌ت و ئه‌نجومه‌نا خوه‌جهی وتیمێن به‌ره‌ڤانییا سڤیل ب ئالیكارییا خه‌لكێ گوند كاریبوون ئاگرێ ڤه‌مرینن .
ئه‌نجومه‌نا خوه‌جهی یا جندرێسێ راگهاند كو ژ به‌ر هه‌بوونا هن گۆنان نێزیكێ دارێن مه‌رخان ل گوندێ ته‌ته‌را یێ ناڤچهیا جندرێسێ وژبه‌ر خه‌مساری و نه‌گوهدانێ ئاگر ڤێكه‌ت .
ئه‌نجومه‌نا ته‌كه‌ز كو تا دانێ سبێ ئه‌و ئه‌گر ڤێكه‌تبوو پشتره پشتی هه‌ولێن به‌رده‌وام ژ ئالیێ تێمێن به‌ره‌ڤانییا سڤیل ئه‌و ئه‌گر هاته ڤه‌مراندن .
ژ ئالیێ خوه ڤه ئه‌نجومه‌نا خوه‌جهی یا مابه‌تا گۆت كو نڤیسگه‌ها چاندنیێ یا سه‌ر ب ئه‌نجومه‌نێ ڤه ئا‌گه‌رێ گوندێ حه‌یاتێ و گۆبه‌كێ ل چیایێ هاوار ڤه‌مراند كو ده‌رودرا 12 هكتار زه‌ڤی ل چیایێ هاوارێ ل خوه گرتبوو .
ل ناڤچهیا راجۆ ژی تیمێن به‌ره‌ڤانییا سڤیل دانه خویاكرن كو كاریبوون ئاگرێ ناڤچهیا راجو ڤه‌مرینن .
ل گۆر چالاكڤان و وه‌لاتیێن عه‌فرینێ كو ئه‌و ئاگر ب مه‌بست تێنه ڤیخستن ژبه‌ر كو ب سێ جهان د هه‌مان رۆژێ ده ب پلان هاتیه ئه‌نجامدان و مه‌ره‌م ژێ ئه‌وه داكو ب سربستی داران ببرن و وه‌كو ئێزنك ل ادلب و عزازێ بفرۆشن .
ژ ده‌ما ده‌رباسبوونا توركیێ و گرووپێن چه‌كدار ب هه‌زاران دارێن زه‌یتوون و مه‌رخان و داریێن چیایێ هاتنه شوتدان و ژ وێ ده‌مێ ڤه تا نها گرووپێن چه‌كدار دار ژ خوه ره دبرین و بازرگانی پێ دكرن بێ كو سینۆره‌ك وه‌ره دایین و داوی ب شوتدانا سرۆشتا چیایێ كورمێنج وه‌ره .
ش.ع
256
