د یەك حەفتەیێ دە هسد 87 تەرۆریستێن داعشێ سەربەست بەردان

چەكدارێن سووریایا دیموقراتیك كو چەكدارێن پەیەدێ بەشێ سەرەكەنە ژێ د سەربەستبەردانا تەرۆریستێن داعشێ ژ زیندانێن خوە بەردەوامن، هەری داویێ ژی چل و چار تەرۆریستێن داعشێ ژ زیندانێن خوە ل دێرازۆرێ سەربەست بەردان.

د هەیاما یەك حەفتەیێ دە هەسەدە هەشتێ و حەفت تەرۆریستێن داعشێ سەربەست بەردان.

رۆژا پێنشەمێ شازدەهێ گولانێ چەكدارێن هەسەدێ چل و چار تەرۆریستێن داعشێ لژێر ناڤنیشانا دەستپێشخەریا نیازێن پاك، ژ زیندانێن خوە سەربەست بەردان، و ژبۆ سەربەستبەردانێ مەراسیمەك لدارخست.

رۆژا یەكشەمێ بۆری ژی دۆزدەهێ گولانێ ل گوندەوارێ دێرازۆرێ چەكدارێن هەسەدێ چل و سێ گرتی ژ تەرۆریستێن داعشێ كو بتۆمەتا ئەندامەتی و هەڤكاریا داعشێ هاتبوون گرتن ب دەستپێشخەریەكێ لژێر ناڤێ پێشكێشكرنا نیازێن پاك سەربەست بەردان.

بەریا نها ژی چەكدارێن پەیەدێ و هەسەدێ بهتری هەزار و پێنسەد تەرۆریستێن داعشێ سەربەست بەردانە، د وی دەمی دە كو هین چارەنڤیسا ب سەدان ژ وەلاتیێن كورد كو ژ ئالیێ داعشێ ڤە هاتبوون رەڤاندن نەدیارە.

بەریا نها ژی رەوانگەها سووریێ یا مافێ مرۆڤان بەلاڤكربوو كو رێژەیەكە بلند ژ تەرۆریستێن داعشێ كو سەربەست تێنە بەردان تەڤلێ چەكدار و هێزێن ئەولەكاری یێن لناڤچەیێن ژێر كۆنترۆلا هەسەدە دبن نەخاسم ل باژارۆكێ عێن عیسایێ.

ژبۆ رزگاركرنا رەقا، تەپقا، منبج و گوندەوارێ دێرازۆرێ ب هەزاران ژ جوانێن كورد كو ژ ئالیێ پەیەدێ ڤە هاتبوون لەشكەركرن شەهیدبونە، و بەردەوام پەیەدێ وان تەرۆریستێن داعشێ كو دەستێ وان د شەهیدكرن و رژاندنا خوینا جوانێن كورد دە هەیە، سەربەست بەرددە.

256